28.10.2026 | 10:44
Իսրայելի ընտրություններում Նեթանյահուն և նրա գլխավոր մրցակիցը մեծամասնություն չեն ստանում
ՊՊԾ պետ Արթուր Գասպարյանը նվեր է ստացել Ջեյ Դի Վենսից
Հասարակություն
05.03.2026 | 11:14
ՀՀ պետական պահպանության ծառայության պետ Արթուր Գասպարյանը նվեր է ստացել Հայաստան ժամանած ԱՄՆ փոխնախագահից։ Այս մասին տեղեկանում ենք ՊՊԾ պետի՝ Կոռուպցիայի կանխարգելման հանձնաժողով ներկայացրած պաշտոնյայի նվերների հաշվառման ձևաթղթից։
Ջեյ Դի Վենսը Գասպարյանին Simon Pearce ապրանքանիշի սեղանի ժամացույց է նվիրել, պատրաստված ապակուց՝ ԱՄՆ զինանշանի փորագրությամբ։ Նվերի արժեքը գնահատվել է 72 հազար դրամ։
ԱՄՆ փոխնախագահը պաշտոնական այցով ՀՀ էր ժամանել փետրվարի 9-ից 10-ը: ՊՊԾ պետի նվերը հանձնվել է Դի Վենսի գլխավորած պատվիրակության՝ ՀՀ կատարված պաշտոնական այցի կապակցությամբ կազմակերպված արարողակարգային միջոցառման ընթացքում:
Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
