04.03.2026 | 15:44
Մոսկվան առաջարկում է ԵՄ-ի «Հիբրիդային արագ արձագանքման խմբի» նման աշխատանքային խումբ ուղարկել ՀՀ
Իրանի հայ համայնքը վնասներ չի կրել․ Մովսես Քեշիշյան
Հասարակություն
04.03.2026 | 14:26
Իրանում տիրող լարված իրավիճակի ֆոնին տեղի հայ համայնքը, ըստ նախնական տեղեկությունների, վնասներ չի կրել։ Այս մասին Factor.am-ի հետ զրույցում հայտնել է Թեհրանի «Արաքս» շաբաթաթերթի գլխավոր խմբագիր Մովսես Քեշիշյանը։
«Իրանի հայ համայնքը մինչ այս պահը վնասներ չի կրել։ Մեզ մոտ միջազգային ինտերնետն անջատված է, այս պահին ավելին խոսել չեմ կարողանա»,- ասաց Քեշիշյանը։
Համացանցի սահմանափակումների պատճառով տեղեկատվության փոխանակումն Իրանում գտնվողների հետ խիստ դժվարացել է։
Հիշեցնենք՝ փետրվարի 28-ի առավոտյան Իսրայելն ու Միացյալ Նահանգները սկսեցին հարվածներ հասցնել Թեհրանին և Իրանի այլ հատվածներին։ Հարվածների հենց առաջին օրը սպանվեցին հոգևոր առաջնորդ այաթոլա Ալի Խամենեին, նաև՝ բարձրաստիճան այլ պաշտոնյաներ։ Ի պատասխան՝ Իրանը հարվածներ է հասցնում Իսրայելի տարածքին և Մերձավոր Արևելքում գտնվող ԱՄՆ ռազմական բազաներին։ Իսրայելում հայտարարվել է արտակարգ դրություն։
Անի Թամրազյան
