07.09.2026 | 14:14
«Էմիլի ֆարմ»-ի 7 մասնաճյուղում 9 վարչական խախտում է արձանագրվել
Դիահերձարանի աշխատակիցները դեկտեմբերին աշխատավարձ չեն ստացել․ պատգամավոր․ ՏԵՍԱՆՅՈՒԹ
Քաղաքականություն
04.03.2026 | 12:29
Ազգային ժողովում քննարկվում է առողջապահության հարցերի մշտական հանձնաժողովի նախագահի պաշտոնում Վանիկ Օհանյանի ընտրության հարցը:
Պատգամավոր Արման Ղազարյանն անդրադարձավ Գեղարքունիքում առկա առողջապահական խնդիրներին։ Նրա խոսքով՝ չնայած հայտարարություններին, թե Վարդենիսի հիվանդանոցը կառուցվում է, իրականում միայն նախագծանախահաշվային փաստաթղթերն են պատրաստ, իսկ շինարարությունը չի սկսվել հողի սեփականության հետ կապված խնդիրների պատճառով։
«Նախագիծը պատվիրվել է, հիմա նոր հասկացե՞լ եք, որ այդտեղ սահմանակից սեփականատիրոջ հողի վրա եք կառուցելու, իբրև թե», – հարցադրում արեց նա։
Մյուս բարձրացված հարցը վերաբերում էր Ճամբարակի համայնքում պաթոլոգոանատոմիական լաբորատորիայի բացակայությանը։ Պատգամավորի խոսքով, սահմանամերձ համայնքի բնակիչները ստիպված են մահացածի դին տեղափոխել Սևան, ինչը լրացուցիչ ֆինանսական, ֆիզիկական և ժամանակային դժվարություններ է ստեղծում։ Նա նշեց, որ նախկինում խոստումներ են եղել տրանսպորտի տրամադրման վերաբերյալ, սակայն խնդիրը շարունակում է չլուծված մնալ՝ խորացնելով բնակիչների դժգոհությունը։
Նրա խոսքով՝ Սևանի դիահերձարանի աշխատակիցները դեկտեմբեր ամսվա աշխատավարձը չեն ստացել։
Մանրամասները՝ տեսանյութում։
