04.03.2026 | 14:12
Միջերկրական ծովում ռուսական լցանավի վրա պայթյուն է տեղի ունեցել, որից հետո հրդեհ է բռնկվել
Դատախազությունը պահանջում է հանգուցյալ հրամանատար Պողոս Պողոսյանի հետ փոխկապակցված անձանցից հօգուտ ՀՀ-ի բռնագանձել 2 անշարժ գույք և շուրջ 452 միլիոն դրամ
Հասարակություն
04.03.2026 | 10:16
ՀՀ գլխավոր դատախազությունից հայտնում են, որ Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
«Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Հայաստանի Հանրապետության զինված ուժերի սպառազինության վարչության նախկին պետ, Պաշտպանության նախարարության երկրորդ բանակային կորպուսի նախկին հրամանատար Պողոս Լյովայի Պողոսյանի հետ փոխկապակցված անձանցից (Պողոս Պողոսյանը մահացել է 2024 թվականին) հօգուտ Հայաստանի Հանրապետության բռնագանձել՝
- 2 անշարժ գույք Երևան քաղաքում.
- 451 միլիոն 540 հազար դրամ»,- ասված է հաղորդագրությունում։
