18.09.2026 | 12:31
Բաքուն պնդում է՝ մահափորձեր է կանխել․ հակաահաբեկչական գործողություններ են իրականացվել 5 երկրներում, 10 մարդ ձերբակալվել է
Ժողովուրդը Գագիկ Ծառուկյանից ամեն ինչ էլ սպասելու է. Միքայել Մելքումյան. ՏԵՍԱՆՅՈՒԹ
Քաղաքականություն
14.11.2018 | 12:08
ԱԺ արտահերթ ընտրություններում ժողովուրդը Գագիկ Ծառուկյանից ամեն ինչ էլ սպասելու է՝ և՛ ծրագրեր, և՛ դրանց իրականացում: Այս մասին Factor.am-ի հետ զրույցում ասաց ՀՀ ԱԺ «Ծառուկյան» խմբակցության պատգամավոր Միքայել Մելքումյանը:
«Չեմ ուզում շատ առաջ անցնել և լրիվ բացահայտել մեր ծրագրերի գաղափարախոսությունը: Բայց ասեմ, որ Ծառուկյանը և՛ միտք ու ծրագիր է տալիս, և՛ օրինակ է ցույց տալիս, թե ինչ մեծածավալ պայման կարելի է ստեղծել տնտեսական հեղափոխության համար: Այնպես որ՝ հիմա մենք նոր ժամանակներում ենք, և ընկալումներն էլ պետք է համարժեք լինեն»,- նշեց նա:
Միքայել Մելքումյանն այս ընտրություններում գաղափարական պայքար է ակնկալում. «Ես ակնկալում եմ, որ ի տարբերություն ավագանու ընտրությունների՝ մենք կունենանք ծրագրային, գաղափարական պայքար: Ցավոք՝ հին Ընտրական օրենսգիրքը մնաց, և դա որոշակի պրոբլեմներ առաջացնելու է, չնայած այն բանին, որ վարչական ռեսուրսների, փողի պայմանները չկան»:
Նա նշեց նաև, որ Գագիկ Ծառուկյանը գլխավորելու է ԲՀԿ-ի համապետական ցուցակը: Ինքը՝ Միքայել Մելքումյանը, ռեյտինգային ընտրակարգով է առաջադրվելու. «Ես ռեյտինգայինով եմ առաջադրվելու Կենտրոնում: Ես՝ որպես Միքայել Մելքումյան, շփվում եմ մարդկանց հետ, և նորմալ եմ գնահատում իմ մասնակցության արդյունքները»:
Մանրամասները՝ տեսանյութում:
