07.09.2026 | 15:45
Բեռնատարը վնասել է գազատարը․ Շենիկում դադարեցվել է գազամատակարարումը
Անվավեր է ճանաչվել ՀՀ-ի անունից Սերժ Սարգսյանի և ՓԲ ընկերության միջև կնքված առուվաճառքի պայմանագիրը․ հօգուտ ՀՀ կբռնագանձվի շուրջ 79 միլիոն դրամ
Հասարակություն
03.03.2026 | 12:48
ՀՀ դատախազությունից հայտնում են, որ անվավեր է ճանաչվել ՀՀ-ի անունից Սերժ Սարգսյանի և ՓԲ ընկերության միջև կնքված առուվաճառքի պայմանագիրը և հօգուտ Հայաստանի Հանրապետության կբռնագանձվի շուրջ 79 միլիոն դրամ։ Նշվում է , որ Դատախազության՝ պետշահերի պաշտպանության հերթական հայցը բավարարվել է։
«Հակակոռուպցիոն դատարանը 2026 թվականի փետրվարի 27-ին բավարարել է Գլխավոր դատախազության՝ պետական շահերի պաշտպանության հերթական հայցը:
Վճռով անվավեր է ճանաչվել 2006 թվականի մարտի 3-ին Հայաստանի Հանրապետության անունից ՀՀ պաշտպանության նախարար Սերժ Սարգսյանի և ՓԲ ընկերության միջև կնքված՝ Երևան քաղաքի Մալաթիա-Սեբաստիա համայնքի Ծովակալ Իսակովի պողոտային հարող տարածքում գտնվող՝ 0.17 հա մակերեսով հողամասի առուվաճառքի պայմանագիրը:
Նկատի ունենալով, որ առկա է նշված հողամասը վերադարձնելու անհնարինություն, որպես պայմանագրի անվավերության հետևանք՝ վճիռն օրինական ուժի մեջ մտնելուց հետո, փակ բաժնետիրական ընկերությունից հօգուտ Հայաստանի Հանրապետության կբռնագանձվի հողամասի արժեքը՝ 78 միլիոն 860 հազար դրամ»,- ասված է հաղորդագրությունում։
