05.10.2026 | 15:19
Չկա մեկ դրամ, որն ապօրինի է. Լևոն Քոչարյան․ ՏԵՍԱՆՅՈՒԹ
Դատախազությունը պահանջում է Վիկտոր Սողոմոնյանի հորից՝ ԱԺ նախկին պատգամավոր Էռնեստ Սողոմոնյանից, հօգուտ ՀՀ-ի բռնագանձել Հյուսիսային պողոտայում գտնվող 2 բնակարան
Հասարակություն
03.03.2026 | 09:45
ՀՀ գլխավոր դատախազությունից հայտնում են, որ Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
«Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ Ազգային ժողովի նախկին պատգամավոր Էռնեստ Միխայելի Սողոմոնյանից և նրա կնոջից հօգուտ Հայաստանի Հանրապետության բռնագանձել՝
– Երևան քաղաքի Հյուսիսային պողոտայում գտնվող 2 անշարժ գույք, որոնց շուկայականին մոտարկված կադաստրային ընդհանուր արժեքը կազմում է 236 միլիոն դրամ.
– 8 միլիոն 50 հազար դրամ՝ որպես ապօրինի եկամտի մնացորդ»,- ասված է հաղորդագրությունում։
Նշենք, որ Էռնեստ Սողոմոնյանը Սոցիալ-դեմոկրատ հնչակյան կուսակցության կենտրոնական վարչության անդամ է ու ԱԺ 1-ին և 4-րդ գումարումների պատգամավոր։ Եղել է ՀՀ ԱԺ «Հանրապետություն», ապա «Բարգավաճ Հայաստան» խմբակցությունների անդամ։ Իսկ նրա որդին՝ Վիկտոր Սողոմոնյանը, Հայաստանի 2-րդ նախագահ Ռոբերտ Քոչարյանի գրասենյակի նախկին ղեկավարն է։
