21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Մեքենաները մնացել էին ցեխի մեջ․ ինչ է տեղի ունեցել Նուբարաշենի խճուղում
Հասարակություն
02.03.2026 | 19:40
Համացանցում տեսանյութեր են տարածվել՝ արձանագրումով՝ «Նուբարաշենի աղբավայրի շրջադարձին և գերեզմանոցների հատվածում մեքենաները մնացել են ցեխի մեջ, առաջ շարժվել չեն կարողանում»։
Էրեբունի վարչական շրջանի ղեկավար Հակոբ Բալայանը Factor TV-ի հետ զրույցում պարզաբանեց, որ առավոտյան Նուբարաշենի խճուղու վրա ավտովթար էր տեղի ունեցել, ինչի հետևաքնով ճանապարհը ժամանակավորապես փակվել էր։
«Ավտովթարի պատճառով երթևեկող մեքենաները ստիպված են եղել շրջանցել խճուղու հարակից հատվածով, որը կավահող է և անձրևներից հետո դարձել էր ցեխոտ»,- ասաց թաղապետը։
Նրա խոսքով՝ շրջանցող մեքենաների անվադողերից այդ ցեխը տեղափոխվել է հիմնական ճանապարհ, ինչի հետևանքով երթևեկությունը դժվարացել է։
«Երբ իմացել ենք, ԵԱՍՄ հիմնարկի կողմից երկու տրակտոր է հատկացվել, ճանապարհը մաքրվել է, պետք է չորանա։ Առավոտյան 10։00-ին նաև լվացման աշխատանքներ են իրականացվելու։ Այս պահին ճանապարհը բաց է, երթևեկության արգելք չկա»,- վստահեցրեց պաշտոնյան։
Ինչ վերաբերում է տարածքում մնացած ավտոբուսին, վարչական շրջանի ղեկավարն ասաց.
«Չի հայտնվել ձորակում, այնտեղ ձորակ չկա: Պարզապես, ավտոբուսի վարորդը ևս ցանկացել է շրջանցել այդ հատվածը և քանի որ ավելի ծանր մեքենա է, խրվել է կավահողի մեջ։ Այնտեղ անձրևից հետո թաց էր կավահողը, ինչն ավելի է դժվարացնում երթևեկությունը»։
«Երևանի ավտոբուս» ՓԲԸ-ի մամուլի քարտուղար Գեղամ Ասատրյանն ասաց, որ ավտոբուսում քաղաքացիներ եղել են, տուժածներ չկան, իսկ տրանսպորտային միջոցն արդեն լվացվել է։
Արփի Հակոբյան
