Եկամուտների համընդհանուր հայտարարագրում․ ովքե՞ր են այս տարվանից միանում համակարգին և ի՞նչ է պետք իմանալ

Մարտի 1-ից մեկնարկում է ֆիզիկական անձանց եկամուտների համընդանուր հայտարարագրման հերթական փուլը։ Պեկամուտների կոմիտեի նախագահի տեղակալ Ռաֆայել Գևորգյանը նշում է՝ շահառուների ընդգրկման առումով, այո, վերջին փուլն է։

«Այս տարին ներառվում են բոլոր մնացած խմբերը, ըստ էության, ցանկացած ռեզիդենտ քաղաքացի, ով նախորդ տարվա դեկտեմբերի 31-ի դրությամբ անչափահաս չէ, ենթակա է հայտարարագրման, այսինքն, ըստ էության, բոլոր չափահաս մեր հայրենակիցները պարտավորություն ունեն հայտարարագիր ներկայացնելու։ Իհարկե, մենք նախորդ տարիներին որոշակի փոփոխություններ կատարեցինք եւ համակարգը զարգացրինք, ինքնաշխատ նախալրացման եւ հանձնման ուղղությամբ։ Գիտեք, որ նախալրացում հենց համակարգի ներդրման ամենասկզբից կար։ Նախորդ տարի մեր փոփոխությունը այն էր, որ այն քաղաքացիները, որոնք ըստ էության ավելացնելու բան չունեն նախատեսված նախալրացված տեղեկատվությանը, պարտավորություն չունեն եւս մեկ անգամ համակարգ մուտք գործելու եւ հայտարարագիրը հանձնելու։ Դա արվեց որոշակիորեն ընթացակարգերը ավելի պարզեցնելու, ինչպես նաեւ հաշվի առնելով, որ համակարգի ներդրումը ինքնին հեշտ ռեֆորմ չէր, ժամանակ է պահանջում, որպեսզի մեր քաղաքացիները, ռեֆորմները շարունակական են, ու դեռեւս գալիք տարիներին մենք շարունակաբար զարգացնելու ենք համակարգը, ներդնելու ենք նոր մոտեցումներ, նոր կարգավորումներ, ու այդ ամենի արդյունքում, կարծում եմ, էլ ավելի մեծ ակտիվություն կնկատենք մեր քաղաքացիների շրջանակում»,-նշել է ՊԵԿ փոխնախագահը։

Նրա խոսքով՝ հայտարարագիր ներկայացնողների 60%-ից ավելին որեւէ լրացուցիչ բան չի ասել պետական եկամուտների կոմիտեին։

Մանրամասները՝ տեսանյութում։