21.01.2026 | 18:19
«Արսենալն» ակումբային ռեկորդ է սահմանել Չեմպիոնների լիգայում
Լիլիթ Մակունցը մասնակցելու է «Սանկտպետերբուրգյան 7-րդ միջազգային մշակութային համաժողովին»
Մշակույթ
13.11.2018 | 21:39
ՀՀ մշակույթի նախարարի պաշտոնակատար Լիլիթ Մակունցը նոյեմբերի 14-17-ը Սանկտ Պետերբուրգում (Ռուսաստանի Դաշնություն) կմասնակցի «Սանկտպետերբուրգյան 7-րդ միջազգային մշակութային համաժողովին»:
Համաժողովի կազմակերպիչներն են` Ռուսաստանի Դաշնության կառավարությունը, Ռուսաստանի Դաշնության մշակույթի նախարարությունը, Սանկտ Պետերբուրգի կառավարությունը:
Ռուսաստանի Դաշնություն գործուղման ընթացքում նախատեսվում են Լիլիթ Մակունցի հանդիպումները ՌԴ մշակույթի նախարար Վ. Մեդինսկու, Պետական Էրմիտաժի գլխավոր տնօրեն՝ Մ. Պիոտրովսկու, ինչպես նաև միջոցառմանը մասնակցող այլ երկրների բարձրաստիճան պաշտոնյաների և մշակութային գործիչների հետ: Ստորագրվելու է «ՀՀ մշակույթի նախարարության և ՌԴ մշակույթի նախարարության միջև 2019-2021 թթ. համագործակցության մասին» ծրագիրը:
Նշենք, որ անցյալ տարի համաժողովին գրանցվել էր ավելի քան 33.000 մասնակից, ժամանել էին աշխարհի ավելի քան 2000 օտարերկրյա մասնակիցներ և բանախոսներ՝ աշխարհի 96 երկրներից, 49 պաշտոնական օտարերկրյա պատվիրակություն: Համաժողովն բացել է Ռուսաստանի Դաշնության նախագահ Վլադիմիր Պուտինը:
