10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
Մենք ստամոքսային հասարակություն ենք, խանութների թվին նայե՛ք, ստամոքսային գրքեր ենք սիրում. Արամ Ավետիս. ՏԵՍԱՆՅՈՒԹ
Քաղաքականություն
28.02.2026 | 19:00
«Մենք անընդհատ ասում ենք, թե մշակութային ազգ ենք, բայց դա այդպես չէ, հենց ասողի պարագայում այդպես չէ: Օրինակ՝ Երևանը մշակույթի, արվեստի, գրականության քաղաք չէ: Մենք փչացնում ենք այս քաղաքը մեր մարդկային «ներքին ճարտարապետությամբ»,-Factor TV-ի հետ զրույցում տեսակետ է հայտնում գրող Արամ Ավետիսը:
Հարցին, թե արդյոք այսօր Հայաստանում նպաստավոր ժամանակներ են ստեղծագործողների համար, մեր զրուցակիցը պատասխանում է. «Ինձ նման գրողների համար, որոնք սիրում են «անդուր» բաներ, այո, նպաստավոր ժամանակներ են: Հիմա շատ անդուր ժամանակներ են Հայաստանում, և, առհասարակ, աշխարհում»:
Իսկ ի՞նչ ազդեցություն ունեն համաճարակը, հեղափոխությունը, պատերազմը արվեստի մարդու, նրա գործունեության վրա.«Դրանք մեծ ազդեցություն ունեն համաշխարհային գրականության վրա՝ սկսած Հոմերոսից: Ուզենք, թե չուզենք՝ այդ ամենից փախչել չենք կարող: Ես մաքսիմալ փորձում եմ գրականությանս մեջ լինել ապաքաղաքական, բայց երբեմն չի ստացվում, քաղաքականությունն այնքան վատ բան է, որ ամեն տեղ պետք է լինի, ութոտնուկի նման բան է, ուզես-չուզես՝ կողքդ է»:
Մանրամասները՝ տեսանյութում:
Աննա Բաբաջանյան
