02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Արթիկում ամփոփվել է «Դպրոցականների բասկետբոլի լիգա» մրցաշարի համայնքային փուլը
28.02.2026 | 14:18
Արթիկի մարզադպրոցում ավարտվել է ՀՀ վարչապետի հովանու ներքո և ՀՀ կրթության, գիտության, մշակույթի և սպորտի նախարարության կողմից անցկացվող «Դպրոցականների բասկետբոլի լիգա» մարզական խաղերի համայնքային փուլը։
«Արմենպրես»-ի հաղորդմամբ՝ մրցումներին մասնակցել են համայնքի մի շարք բնակավայրերի կրթօջախների թիմեր։
Մարզական ստուգատեսին ներգրավված են եղել երկու տարիքային խմբեր՝ 5-6-րդ և 7-9-րդ դասարանների աշակերտներ։ Ինչպես «Արմենպրես»-ին տեղեկացրին Արթիկի համայնքապետարանից, համայնքային փուլին մասնակցել են Արթիկի, Մեծ Մանթաշի, Անուշավանի, Փանիկի, Արևշատի, Գեղանիստի, Սարալանջի, Նոր Կյանքի, Հայրենյացի և Հոռոմի դպրոցների ներկայացուցիչները։
Մրցաշարն անցել է մրցակցային թեժ պայքարում՝ նպաստելով դպրոցականների շրջանում առողջ ապրելակերպի խթանմանն ու բասկետբոլ մարզաձևի մասսայականացմանը։
Համայնքային փուլում հաղթող ճանաչված թիմերն իրավունք են ստացել մասնակցելու մրցաշարի մարզային փուլին, որը կանցկացվի առաջիկա ամիսներին:
