22.06.2026 | 14:59
Կիբերհափշտակության և փողերի լվացման գործով ևս 30 մլն դրամ է փոխանցվել պետբյուջե
Ընտրացուցակները ԿԸՀ կհասնեն վերջին պահին
Քաղաքականություն
13.11.2018 | 15:34
Խորհրդարանական արտահերթ ընտրություններին մասնակցելու համար կուսակցություններն ու դաշինքները իրենց ցուցակները ԿԸՀ պետք է ներկայացնեն մինչև նոյեմբերի 14-ը՝ ժամը 18։00-ը։
Factor.am-ի հետ զրույցում ԿԸՀ մամուլի խոսնակ Հերմինե Հարությունյանն ասաց, որ նոյեմբերի 13-ի, ժամը 15։00-ի դրությամբ դեռ որևէ կուսակցություն կամ դաշինք ցուցակ չի ներկայացրել։
Հետաքրքիր է, որ, թեև արտահերթ ընտրություններին ընդառաջ որոշ կուսակցություններ ու դաշինքներ հայտարարում էին, որ իրենք իրենց ցուցակները կազմելու հարցում խնդիրներ չեն ունենա, սակայն, պարզվում է, որ այնուամենայնիվ, խնդիրներ կան։
Ընտրացուցակների առաջատար հորիզոնականներում հանգրվանելու թեկնածուների պայքարն է պատճառը, որ մինչ վերջին պահը դրանք պատրաստ չեն լինում և ԿԸՀ կներկայացվեն վաղը՝ վերջնաժամկետից հաշված ժամեր առաջ։
