27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Ոչ թե Ծառուկյանի տունն է զննության ենթարկվել, այլ նրան պատկանող հողատարածքը». փաստաբանը մանրամասներ է ներկայացնում
Հասարակություն
19.02.2026 | 15:22
«Ոչ թե պարոն Գագիկ Ծառուկյանի տունն է զննության ենթարկվել, այլ նրան պատկանող այլ հողատարածք»,- Factor TV-ի հետ զրույցում մանրամասնեց ԲՀԿ առաջնորդի փաստաբան Էմին Խաչատրյանը։ Ավելի վաղ տեղեկություն էր տարածվել, որ զննության են ենթարկում Ծառուկյանի առանձնատունը։
Փաստաբանի խոսքով՝ զննությունը կատարվել էր դեռևս 2020 թվականին նախաձեռնված քրեական վարույթի շրջանակներում.
«Առինջ համայնքի նախկին պաշտոնատար անձանց վերաբերյալ գործի շրջանակներում է եղել, պարոն Ծառուկյանը կապ չունի, պարզապես գործի քննության համար անհրաժեշտություն է եղել Առինջ համայնքի մի շարք հողատարածքներ զննելու, որոնց թվում եղել է նաև նրան պատկանող հողատարածքը։ Ուզում եմ շեշտել, որ դա իր բնակության հասցեն չէ, ուղղակի հողատարածք է, որտեղ առկա են այլ շինություններ»։
Factor TV-ի հարցին՝ զննությանը մասնակցե՞լ է Գագիկ Ծառուկյանը, փաստաբան Խաչատրյանը բացասական պատասխան տվեց. «Պարոն Ծառուկյանը դեռևս 2020 թվականին նոր նախաձեռնված ժամանակ ընդամենը մեկ անգամ վկայի դատավարական կարգավիճակով հարցաքննվել է»։
Ռոզա Վարդանյան
