09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Որոնք են ՀՀ-ում առավել մեծ թվով մշտական բնակություն ունեցող 1-ին չորս ազգային փոքրամասնությունները՝ ըստ մարդահամարի տվյալների
Հասարակություն
19.02.2026 | 15:49
ՀՀ կենտրոնական ընտրական հանձնաժողովը ներկայացրել է ՀՀ-ում մշտական բնակություն ունեցող առավել մեծ թվով չորս ազգային փոքրամասնությունների տվյալները, ըստ ՀՀ Վիճակագրական կոմիտեի։
«Ըստ այդմ՝
Եզդի 31 հազար 79
Ռուս 14 հազար 76
Ասորի 2 հազար 755
Քուրդ 1 հազար 663
Ընտրական օրենսգիրք սահմանադրական օրենքի համաձայն, կուսակցության/դաշինքի ընտրական ցուցակը կարող է ունենալ երկրորդ մաս, որտեղ կարող են ընդգրկվել ընտրություններին նախորդող վերջին մարդահամարի տվյալներով առավել մեծ թվով մշտական բնակչություն ունեցող առաջին չորս ազգային փոքրամասնությունների ներկայացուցիչներ: Ընտրական ցուցակի երկրորդ մասն ունի 4 բաժին, յուրաքանչյուր բաժնում համապատասխան ազգային փոքրամասնությունից կարող է ընդգրկվել մինչև 4 ներկայացուցիչ: Որևէ բաժնում ազգային փոքրամասնության ներկայացուցիչ չընդգրկելու դեպքում համապատասխան բաժինը չի լրացվում:
Ընտրական ցուցակի երկրորդ մասում ընդգրկված ազգային փոքրամասնության ներկայացուցիչ պատգամավորի թեկնածուն կարող է ընդգրկվել նաև ընտրական ցուցակի առաջին մասում»,- ասված է հաղորդագրությունում։
Հիշեցնենք, որ ս․թ․ հունիսի 7-ին Հայաստանի Հանրապետությունում կանցկացվեն խորհրդարանական հերթական ընտրությունները։
