14.07.2026 | 18:19
Սևանի ափին գտնվող 2.5 հա հողատարածքը վերադարձվել է պետությանը. այն վարձակալել էր Կարապետ Գուլոյանը
Մատրյոշկա, լոգոտիպով ժամացույց․ Ալեն Սիմոնյանը Մոսկվայից նվերներով է վերադարձել
Հասարակություն
19.02.2026 | 13:50
Փետրվարի 4-ից 7-ը պաշտոնական այցով ՌԴ-ում գտնվող ԱԺ նախագահ Ալեն Սիմոնյանը Մոսկվայից վերադարձել է նվերներով։ Այս մասին Factor.am-ը տեղեկանում է Ալեն Սիմոնյանի՝ Կոռուպցիայի կանխարգելման հանձնաժողով ներկայացրած պաշտոնյայի նվերների հաշվառման ձևաթղթից։
ՌԴ ԴԺ Դաշնության խորհրդի նախագահ Վալենտինա Մատվիենկոն խորհրդի լոգոտիպով ժամացույց և զարդատուփ է նվիրել Սիմոնյանին։ Նվերի արժեքը 149, 658 դրամ է գնահատվել։
Մատվիենկոն Սիմոնյանին նաև 249,430 դրամանոց «Ձմեռային անտառ» վերտառությամբ նկար է նվիրել։
Ազգային ժողովի նախագահը նվեր է ստացել նաև «Ռուսատոմ» կորպորացիայի տնօրենից։ Ալեքսեյ Լիխաչովը նրան հուշանվեր է նվիրել՝ մատրյոշկա և ռեակտորի արձանիկ։ Նվերի արժեքը 159,635 դրամ է գնահատվել։
Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ կանոններ։
Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
