15.09.2026 | 10:45
Սևանի նախկին քաղաքապետ Ռուդիկ Ղուկասյանը մեղադրվում է համայնքին շուրջ 13.7 մլն դրամի վնաս պատճառած գործարքի համար
Տուգանվել է Սարգիս Կարապետյանին սպասարկող «Մայբախ»-ի վարորդը
Հասարակություն
17.02.2026 | 17:57
«Ուժեղ Հայաստան» կուսակցության առաջնորդ, ռուսաստանցի գործարար Սամվել Կարապետյանի որդուն՝ Սարգիս Կարապետյանին սպասարկող «Մայբախ» մակնիշի ավտոմեքենայի վարորդը տուգանվել է մեքենան չթույլատրված վայրում կայանելու համար։
Factor TV-ն այսօր արձանագրել էր, որ «Ուժեղ Հայաստան» գրառմամբ թանկարժեք մեքենա է Սարյան փողոցում կայանված երևեկելի երկրորդ գծում։ Այս առնչությամբ ՆԳՆ-ից Factor TV-ին փոխանցեցին․«Պարեկային ծառայողները նշված տրանսպորտային միջոցի վարորդի նկատմամբ կազմել են վարչական իրավախախտման վերաբերյալ արձանագրություններ»։
ՆԳՆ ոստիկանության կազմած արձանագրությունները ներառում են երկու տուգանք՝ 5 և 20 հազար դրամի, ինչպես նաև հանվել է 0,5 միավոր։ Արձանագրենք, որ այս գումարը միլիարդատեր Կարապետյանի ընտանիքի համար չնչին է, բայց այստեղ ուշագրավ է հանգամանքը, որ ուժեղ Հայաստան կերտելու հավակնություն ներկայացրած գործչի որդին՝ Սարգիս Կարապետյանը, առնվազն չի փորձում կանխել երթևեկության կանոնների խախտումը իր վարորդի կողմից։
Նշենք՝ Factor TV-ի տեսախցիկն արձանագրել է, որ Սարյան փողոցի սրճարաններից մեկի դիմաց շուրջ 200 հազար դոլար արժեքով մեքենան կայանված է մոտ 20 րոպե, իսկ թե դրանից առաջ որքան է կայանված եղել, պարզ չէ։ Թեմայի վերաբերյալ փորձեցինք մեկնաբանություն ստանալ նաև «Ուժեղ Հայաստան» կուսակցության լրատվականից, սակայն, խոսնակը տեղեկացրեց, որ ավելի ուշ կպատասխանի։
Նարեկ Կիրակոսյան
