06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Միքայել արքեպիսկոպոս Աջապահյանը «Իզմիրլյան» բժշկական կենտրոնից տեղափոխվեց Շիրակի թեմի առաջնորդարան
Հասարակություն
17.02.2026 | 12:46
Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանը քիչ առաջ դուրս գրվեց «Իզմիրլյան» բժշկական կենտրոնից։ Նրա հետ էր նաև բժշկական կենտրոնի տնօրեն Արմեն Չարչյանը։ Աջապահյանը հայտնեց, որ առողջական վիճակն ավելի լավ է, քան նախկինում էր։ Լրագրողները փորձեցին Աջապահյանին հարց ուղղել նաև հոգևոր ծառայող ընկերների մասին, սակայն արքեպիսկոպոսը թույլ չտվեց հարցն ամբողջությամբ ավարտել։
«Իմ ծառայակիցներին բան չունեմ ասելու, իրենք գիտեն իրենց անելիքը»,- ասաց Միքայել արքեպիսկոպոս Աջապահյանն ու նստեց մեքենան։ Նրան պետք է ուղեկցեն Շիրակի թեմի առաջնորդարան, որտեղ պետք է կրի տնային կալանքը։
Հիշեցնենք, որ 2025-ի հունիսից կալանքի տակ գտնվող Միքայել արքեպիսկոպոս Աջապահյանի խափանման միջոցը փետրվարի 6-ին փոխվել է տնային կալանքով։ Հոգևորականի կեցավայրը Շիրակի թեմի առաջնորդարանն է, ուստի՝ հենց այնտեղ է կրելու տնային կալանքը։ Լրագրողի հարցին ի պատասխան Աջապահյանն ասաց, որ կարոտել է Գյումրին։ Կալանքի տակ գտնվելու ընթացքում հոգևորականին վիրահատելու անհրաժեշտություն էր առաջացել, և վիրահատությունը կատարվել է «Իզմիրլյան» բժշկական կենտրոնում։
Միքայել արքեպիսկոպոս Աջապահյանին մեղադրում են իշխանությունը զավթելու կոչեր հնչեցնելու մեջ մի հայտարարության համար, որն արել է 2024 թվականին։
Արաքս Մամուլյան
