11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Փաշինյանն ամուսնացել է 29 տարի անց․ Աննա Հակոբյանի գրառումը․ ՏԵՍԱՆՅՈՒԹ
17.02.2026 | 10:19
Նիկոլ Փաշինյանն ու Աննա Հակոբյանը պաշտոնապես գրանցել են իրենց ամուսնությունը։
Վարչապետի անձնական կյանքին վերաբերող այս թեման սկսեց շրջանառվել առավոտյան Աննա Հակոբյանի ֆեյսբուքյան գրառմամբ։
«Սիրելի հայրենակիցներ, տեղեկացնում եմ, որ իմ և վարչապետ Նիկոլ Փաշինյանի քաղաքացիական ամուսնությունն ավարտվել է։ Բոլորին խնդրում եմ այս թեմայի շուրջ լինե՛լ զուսպ, լինե՛լ կոռեկտ։ Շնորհակալություն»,- գրել է վարչապետի տիկինը։
Աննա Հակոբյանի այս գրառումը օգտատերերը մեկնաբանում էին երկակի․ ոմանք քննարկում էին վարչապետի և նրա տիկնոջ բաժանության հարցը, ոմանք էլ՝ շնորհավորում։ Factor TV-ն պարզեց, որ ճիշտ են նրանք, ովքեր շնորհավորանքներ են հղում։
«Ոչ ԶԱԳՍ-ով, ոչ եկեղեցով ամուսնացած չենք, մեր ամուսնությունը դե յուրե ամրագրված է մեր երեխաներով»,- Փաշինյանը 2024-ին այսպես էր արձագանքել քննադատություններին, թե ինչու դե յուրե ամուսիններ չեն, այն դեպքում երբ Աննա Հակոբյանի հետ 27 տարի միասին են ապրում։
Ստացվում է՝ Հայաստանի վարչապետն ու տիկինը համատեղ կյանքի 29-րդ տարում, խորհրդարանական ընտրություններից ընդամենը շուրջ 4 ամիս առաջ որոշեցին գրանցել իրենց ամուսնությունը։
Մինչ այդ Աննա Հակոբյանին և Փաշինյանին կապող միակ պաշտոնական փաստաթուղթը վարչապետի տիկնոջ եկամուտների հայտարարագիրն էր։
