06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Տիգրան Դադունցը և ԺՀՄԻԳ առաքելությունը քննարկել են նախընտրական շրջանի թափանցիկության և հաշվետվողականության բարձրացման ուղղությամբ ձեռնարկվող քայլերը
Հասարակություն
16.02.2026 | 15:55
Արդարադատության նախարարությունից հայտնում են, որ նախարարի տեղակալ Տիգրան Դադունցն ընդունել է ԵԱՀԿ Ժողովրդավարական հաստատությունների և մարդու իրավունքների գրասենյակի ընտրական կարիքների գնահատման առաքելությանը։ Նշվում է նաև, որ հանդիպման ընթացքում քննարկվել են նաև ապատեղեկատվության և ատելության խոսքի դեմ պայքարի քայլերը։
«Նախարարի տեղակալը կարևորել է ԺՀՄԻԳ-ի հետ շարունակական և կառուցողական համագործակցությունը՝ ընտրական գործընթացների թափանցիկության ապահովման, հանրային վստահության բարձրացման և ժողովրդավարական ինստիտուտների ամրապնդման համատեքստում։ Նա ընդգծել է, որ ընտրական օրենսդրության բարեփոխումները իրականացվում են միջազգային չափանիշներին համահունչ՝ հաշվի առնելով ԺՀՄԻԳ-ի առաջարկություններն ու փորձագիտական աջակցությունը։
Տիգրան Դադունցը ներկայացրել է 2024 թվականին ընդունված Ընտրական օրենսգրքի լայնածավալ օրենսդրական փոփոխությունները՝ մասնավորապես անդրադառնալով կուսակցությունների և նախընտրական քարոզարշավի ֆինանսավորման կանոնակարգմանը, ընտրատեղամասերի ֆիզիկական և տեղեկատվական հասանելիության ապահովմանը, ինչպես նաև ընտրական իրավունքի արդյունավետ իրացմանն ուղղված այլ մեխանիզմներին։
Հանդիպման ընթացքում քննարկվել են նաև ապատեղեկատվության և ատելության խոսքի դեմ պայքարի, ինչպես նաև նախընտրական շրջանի թափանցիկության և հաշվետվողականության բարձրացման ուղղությամբ ձեռնարկվող քայլերը։
Առաքելության արդյունքները հաշվի կառնվեն հունիսին կայանալիք խորհրդարանական ընտրությունների դիտարկման հարցի համատեքստում»,- ասված է հաղորդագրությունում։
