13.05.2026 | 18:42
Cherchez la femme. Թուրքիայում հարձակվել են «Արսենալի» նախկին ֆուտբոլիստի վրա
Վալերիյ Օսիպյանի և Ռոբերտ Մելքոնյանի համար խափանման միջոց է ընտրվել
Քաղաքականություն
13.02.2026 | 13:47
«Մարտի 1»-ի գործով մեղադրյալներ, Երևան քաղաքի վարչության պարեկապահակակետային գնդի հրամանատար Ռոբերտ Մելքոնյանի և նրա տեղակալ Վալերիյ Օսիպյանի նկատմամբ խափանման միջոց է ընտրվել երկրից բացակայելու արգելքը։ Այս մասին Factor TV-ին հայտնում են Հակակոռուպցիոն կոմիտեից։
Հիշեցնենք՝ ավելի վաղ կոմիտեից հայտնել էին, որ «Մարտի 1»-ի քրեական վարույթի շրջանակներում քրեական հետապնդումներ են հարուցվել ևս երկու նախկին պաշտոնատար անձանց նկատմամբ․
«Մասնավորապես՝ 2008 թվականի մարտի 1-ին ոստիկանության տարբեր ստորաբաժանումների կողմից բռնության և հատուկ միջոցների գործադրմամբ Երևան քաղաքի «Ազատության» հրապարակում նստացույց անող խաղաղ ցուցարարներին ցրելու գործողությունները կազմակերպելու համար մեղադրանքներ են ներկայացվել նշված ժամանակահատվածում ՀՀ ոստիկանության Երևան քաղաքի վարչության պարեկապահակակետային գնդի հրամանատարի և նրա տեղակալի պաշտոնները զբաղեցրած անձանց»։
Հիշեցնենք՝ հեղափոխությունից հետո Նիկոլ Փաշինյանի առաջարկությամբ և նախագահ Արմեն Սարգսյանի հրամանագրով Վալերիյ Օսիպյանը նշանակվել էր ՀՀ ոստիկանապետ։ Ավելի քան մեկ տարի անց՝ 2019 թվականի սեպտեմբերի 18-ին, Օսիպյանն ազատվել էր ոստիկանապետի պաշտոնից և նույն օրը երեկոյան նշանակվել Հայաստանի վարչապետի գլխավոր խորհրդական։ Այս պաշտոնին, սակայն, Օսիպյանը չմնաց անգամ մեկ ամիս. հոկտեմբերի 8-ին նա ազատվեց պաշտոնից։
Եվգենյա Համբարձումյան
