26.08.2026 | 20:55
Թրամփը մեկնաբանել է ԿՀՎ ղեկավարի Մոսկվա կատարած այցը
«Ժառանգությունը» վաղը հայտարարությամբ հանդես կգա
Քաղաքականություն
12.11.2018 | 12:43
«Ժառանգություն» կուսակցությունը ընտրությունների մասնակցության հետ կապված հայտարարությամբ վաղը հանդես կգա: Այս մասին Factor.am-ին փոխանցեց կուսակցության վարչության նախագահ Արմեն Մարտիրոսյանը:
Հիշեցնենք, որ Ազգային ժողովում նոր Ընտրական օրենսգրքի նախագծի ընդունման տապալումից հետո «Ժառանգությունը», ի թիվս այլ ուժերի, սկսեց քննարկումներ արտահերթ խորհրդարանական ընտրություններին մասնակցել-չմասնակցելու հետ կապված:
Եթե մինչ այդ կուսակցությունից վստահեցնում էին, որ մասնակցելու են արտահերթ խորհրդարանական ընտրություններին, ապա հին Ընտրական օրենսգքրով մասնակցելու հարցը կուսակցությունում դարձավ լուրջ քննարկումների թեմա:
Մարտիրոսյանի փոխանցմամբ՝ մի մասը կողմ է նաև հին ԸՕ-ով ընտրությունններին մասնակցելուն, մյուսը՝ ոչ: Թե ի վերջո ինչ որոշման կհանգեն տևական քննարկումներից հետո, պարզ կդառնա վաղը: Նոյեմբերի 14-ին կլրանա կուսակցությունների և կուսակցությունների դաշինքների կողմից Կենտրոնական ընտրական հանձնաժողով գրանցման համար անհրաժեշտ փաստաթղթեր ներկայացնելու ժամկետը:
