Սեյրան Օհանյանն առողջական խնդիր ունի. նիստին չէր ներկայացել

Լուրեր

17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
Բոլորը

Ազգային ժողովի «Հայաստան» խմբակցության  պատգամավոր Սեյրան Օհանյանն առողջական խնդիր ունի: Այսօր նշանակված էր նրա և խմբակցության պատգամավոր Արծվիկ Մինասյանի գործով դատական նիստ, որը, սակայն, հետաձգվեց:

Դատարան գրություն էր ստացվել այն մասին, որ առողջական խնդիրների պատճառով Օհանյանը ներկայանալ չի կարող: Ներկայացվել էր նաև այս հանգամանքը հավաստող փաստաթուղթ, սակայն հաշվի առնելով, որ այն պարունակում է բժշկական գաղտնիք, դատարանը չհրապարակեց  փաստաթուղթը:

Մեղադրյալի բացակայության պայմաններում դատական նիստը հետաձգեց:

Հիշեցնենք, որ ըստ մեղադրանքի՝ Սեյրան Օհանյանը 2008 թվականի ապրիլի 14-ից մինչև 2016 թվականի սեպտեմբերի 9-ն ընկած ժամանակահատվածում, զբաղեցնելով ՀՀ պաշտպանության նախարարի պաշտոնը՝ որպես պաշտպանության բնագավառում ՀՀ կառավարության քաղաքականության մշակումն ու իրականացումն ապահովող հանրապետական գործադիր մարմնի ղեկավար, իրավասու լինելով ղեկավարել, համակարգել և վերահսկել ՀՀ պաշտպանության նախարարության համակարգի մեջ մտնող մարմինների և կազմակերպությունների գործունեությունը, արձակել հրամաններ, տալ ցուցումներ, իրականացնել զինված ուժերի անմիջական ղեկավարումը, կազմակերպել և վերահսկել զինված ուժերի ու ՀՀ պաշտպանության նախարարության համակարգի մեջ մտնող այլ մարմինների գործունեությունը, պարտավոր լինելով հսկողություն իրականացնել ֆինանսական միջոցների ծախսման, նյութատեխնիկական միջոցների և ունեցվածքի օգտագործման նկատմամբ՝ շահադիտական և անձնական շահագրգռվածությամբ պաշտոնեական դիրքը ծառայության շահերին հակառակ օգտագործելով՝ 2010-2015 թվականների ընթացքում զավթել է պետական սեփականություն հանդիսացող, բնության հատուկ պահպանվող տարածք հանդիսացող, «Սևան ազգային պարկ» ՊՈԱԿ-ի տարածքում ընդգրկված, Գեղարքունիքի մարզի Դրախտիկ համայնքի 1-ին փողոցի 71 հասցեում գտնվող 10.526 քմ մակերեսով հողատարածքը և, չունենալով կառուցապատման իրավունք, հանձնարարել է իր ենթակա՝ ՀՀ պաշտպանության նախարարության կապիտալ շինարարության և զորքերի բնակավորման վարչության պետ Աշոտ Գրիգորյանին և այլ անձանց՝ ՀՀ պաշտպանության նախարարության կողմից իրականացվող գնումների գործընթացներին մասնակցություն ունեցած շինարարական կազմակերպությունների և դրանց ծառայողների ներգրավմամբ, կազմակերպել և ապահովել հիշյալ տարածքում իր համար առանձնատան կառուցումը։ Միևնույն ժամանակ, նշված տարածքի և այնտեղ գտնվող գույքի պահպանությունը Սեյրան Օհանյանի հանձնարարությամբ իրականացվել է ՀՀ պաշտպանության նախարարության ռազմական ոստիկանության ծառայողների կողմից, որոնց 2011-2016 թվականներին ՀՀ պետական բյուջեի միջոցների հաշվին վճարվել է առնվազն 13.120.000 դրամ աշխատավարձ։

Արծվիկ Մինասյանը մեղադրվում է այն բանի համար, որ նա 2016 թվականի սեպտեմբերի 27-ից մինչև 2018 թվականի մայիսի 12-ն ընկած ժամանակահատվածում, զբաղեցնելով ՀՀ բնապահպանության նախարարի պաշտոնը՝ հանդիսանալով շրջակա միջավայրի պահպանության և բնական ռեսուրսների բանական օգտագործման բնագավառներում ՀՀ կառավարության քաղաքականության մշակումն ու իրականացումն ապահովող հանրապետական գործադիր մարմնի ղեկավար, իրավասու լինելով ղեկավարել, համակարգել և վերահսկել նախարարության համակարգի մեջ մտնող մարմինների գործունեությունը, պատասխանատու լինելով բնության հատուկ պահպանվող տարածքների վրա վնասակար ներգործության կանխարգելման և նվազեցման, բնապահպանական օրենսդրությամբ սահմանված պահանջների կատարման նկատմամբ վերահսկողության ապահովման համար, ինչպես նաև՝ ի պաշտոնե հանդիսանալով «Սևան ազգային պարկ» ՊՈԱԿ-ի խորհրդի նախագահի տեղակալ, ի պաշտոնե հանդիսանալով բնության հատուկ պահպանվող տարածքների հողամասերը վարձակալության և/կամ կառուցապատման իրավունքով տրամադրելու նպատակով ստեղծված միջգերատեսչական մրցութային հանձնաժողովի նախագահ, լիազորված լինելով հրավիրել հանձնաժողովի նիստեր, նախագահել դրանք, հանձնաժողովի անունից ստորագրել որոշումները և նիստերի արձանագրությունները, խմբային շահերից ելնելով չի կատարել ծառայողական պարտականությունները, պաշտոնեական դիրքն օգտագործել է ծառայության շահերին հակառակ, ինչի հետևանքով էական վնաս է պատճառվել հասարակության և պետության օրինական շահերին։ Անզգուշությամբ առաջացել են ծանր հետևանքներ՝ խախտվել է պետական մարմնի, պետական ոչ առևտրային կազմակերպության և մրցութային հանձնաժողովի բնականոն գործունեությունը։ Արդյունքում՝ բնության հատուկ պահպանվող տարածքը տևական ժամանակ չի օգտագործվել նպատակային նշանակությամբ, կատարվել է առանձնապես ծանր հանցագործություն՝ հանցավոր ճանապարհով ձեռք բերված առանձնապես խոշոր չափերով գույքի օրինականացում։

Գործով անցնում են նաև այլ մեղադրյալներ. Աշոտ Բենիկի Գրիգորյանը՝ անձնական շահագրգռվածությունից և խմբային շահերից ելնելով, պաշտոնեական դիրքի օգտագործմամբ ստացել է առանձնապես խոշոր չափերով կաշառք։

Լևոն Երջանիկի Բարսեղյանը՝ պաշտոնատար անձի կողմից գործողություն կատարելու, այդպիսի գործողություն կատարելուն նպաստելու կամ թողտվության համար տրամադրել է առանձնապես խոշոր չափերով կաշառք։

Բենիամին Սուրենի Ղալեչյանը՝ միջոցներ տրամադրելու և խոչընդոտները վերացնելու եղանակով օժանդակել է Սեյրան Օհանյանին՝ հանցավոր ճանապարհով ձեռք բերված առանձնապես խոշոր չափերով անշարժ գույքի հետագա անխոչընդոտ տիրապետմանն ու օգտագործմանը՝ փողերի լվացմանը։

Էդգար Գարիկի Գրիգորյանը՝ խոչընդոտները վերացնելու եղանակով օժանդակել է Սեյրան Օհանյանին՝ հանցավոր ճանապարհով ձեռք բերված առանձնապես խոշոր չափերով անշարժ գույքի հետագա անխոչընդոտ տիրապետմանն ու օգտագործմանը՝ փողերի լվացմանը։

Գործը քննում է դատավոր Սարգիս Պետրոսյանը։

Արաքս Մամուլյան