28.10.2026 | 15:38
Էրդողան-Ալիև զրույցը լավ չի անցել, Թուրքիա-Ադրբեջան հարաբերություններն այլևս նույնը չեն լինի․ ադրբեջանական աղբյուրներ
Youtube-ը «գալիս է» Հայաստան. երբվանից գովազդ կհայտնվի ու կաշխատի դրամայնացումը. ՏԵՍԱՆՅՈՒԹ
Հասարակություն
10.02.2026 | 18:30
Շուտով եթե Հայաստանի տարածքից յութուբում վիդեո բացեք, նաև գովազդ եք դիտելու։ Հայաստանում կսկսի աշխատել YouTube-ի դրամայնացումը՝ մոնետիզացիան։ Մեր երկիրն ընդգրկվել է YouTube Partner Program-ում։ Նախատեսվում է այն գործարկել այս գարնանը, հստակ օր, սակայն, հայտնի չէ։
Դեռևս 2019 թվականին էր քննարկվել YouTube-ի գործընկերների ծրագրում ընդգրկվելու հարցը, որը թույլ է տալիս վիդեոհոսթինգում բովանդակությունից գումար գեներացնել: ԲՏԱ նախարարությունը և հենց վարչապետը բազմիցս խոստացել էին հարցն արագ լուծել։ Այդ գործընթացը, սակայն, ձգձգվեց՝ դժգոհություն առաջացնելով ստեղծագործական համայնքի շրջանում։
Ի՞նչ է նշանակում յութուբի դրամայնացումը։ Տեղական բովանդակություն ստեղծողները հնարավորություն են ունենում եկամուտ ստանալ իրենց տեսանյութերի դիտումներից և գովազդներից։
Եթե YouTube-ում բովանդակություն ստեղծողն ունենում է 500 բաժանորդ, իրավասու է լինում դիմել ծրագրին միանալու համար: Իսկ 1,000 բաժանորդի շեմին հասնելուց հետո ստեղծողները կարող են սկսել գումար վաստակել իրենց տեսահոլովակներում և Shorts-երում հայտնվող գովազդների մասնաբաժնից, ինչպես նաև YouTube Premium բաժանորդագրություններից:
Տարբեր երկրներում գովազդատուն յութուբին տարբեր չափերով է վճարում։ Ամենաբարձր սակագները Հյուսիսային Ամերիկայում, Արևմտյան Եվրոպայում և Օվկիանիայի որոշ հատվածներում են։ Առաջին տեղում Միացյալ Նահանգներն է։
Ասիական և աֆրիկյան մի շարք երկրներում գները միջինից զգալիորեն ցածր են։
Դեռևս հայտնի չէ, թե մոնետիզացիայից հայաստանյան օգտատերերը որքան կստանան, բայց մի բան այս պահին հստակ է․ եթե YouTube-ում տեսանյութեր դիտեք, դրանք պարբերաբար ընդհատվելու են գովազդով։
Մանրամասները՝ տեսանյութում։
Անի Թամրազյան
