16.09.2026 | 12:00
«Նաիրիտ 2»-ի 420.8 մլն դրամ գնահատված գույքը վաճառվել է 167.8 մլն դրամով․ նախաձեռնվել է քրեական վարույթ
ՀՀ-ն հարցեր ունի ՀԱՊԿ-ի վերաբերյալ, որոնց պատասխանները չի ստացել. Ալեն Սիմոնյանը` Լավրովին․ ՏԵՍԱՆՅՈՒԹ
Քաղաքականություն
05.02.2026 | 15:20
Հայաստանը հետաքրքրված է Ռուսաստանի հետ կապերով։ Մոսկվայում ՌԴ ԱԳ նախարար Սերգեյ Լավրովի հետ հանդիպմանն այս մասին հայտարարել է ՀՀ Ազգային ժողովի նախագահ Ալեն Սիմոնյանը։
Նա նշել է, որ 44-օրյա պատերազմից հետո Հայաստանը փորձում է կարգավորել տարածաշրջանում իրավիճակը և, իր կարծիքով, այնքան էլ վատ չի ստացվում։ Ադրբեջանի հետ արդեն սպասվում է խաղաղության պայմանագրի ստորագրումը։
«Ես չեմ ուզում, որ Ռուսաստանում լինի ըմբռնում, թե Հայաստանը փորձում է ՌԴ-ի դեմ ինչ-որ բան անել՝ բարեկամական, դաշնակցային երկրի նկատմամբ։ Չնայած նրան, որ կան հարցեր, որոնք պետք է քննարկել»,- նշել է Սիմոնյանը։
Նա շեշտել է՝ Հայաստանը հարցեր ունի ՀԱՊԿ-ի վերաբերյալ։
«ՀԱՊԿ-ի մասով մեր դիրքորոշումը գիտեք․ մենք հարցեր ունենք, որոնց պատասխանները դեռ չենք ստացել։ Դրանք բազմիցս բարձրաձայնվել են։ Մեզ անհանգստացնում է նաև այն հռետորաբանությունը, որ մենք լսում ենք հանրային տիրույթում՝ ուղղված նաև հայ հասարակությանը»,- նշել է Սիմոնյանը։
Ըստ ԱԺ նախագահի՝ հայ հասարակությունը բացասաբար է վերաբերվում այն հայտարարություններին, որոնք հնչում են Մոսկվայից։
«ԵՏՄ-ի և Մաքսային միության վերաբերյալ՝ մենք չենք կարծում, որ պետք է դուրս գանք։ Մենք կարծում ենք, որ կարող ենք միասին գտնել լուծում, որն օգտակար կլինի երկու կողմերի համար»,- հայտարարել է Ալեն Սիմոնյանը։
Թարգմանությունը՝ Էմմա Չոբանյանի
