«Կանանց ներկայացնում է որպես սեռական օբյեկտ»․ օգտատերերից մեկը հանցագործության մասին հաղորդում է ներկայացրել Սամվել Կարապետյանի որդու դեմ

Լուրեր

17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
17.11.2026 | 16:36
ԱԺ-ում հայտարարությունների ժամ է․ ՈՒՂԻՂ
17.11.2026 | 16:23
Սերբիայում ռազմական ինքնաթիռ է կործանվել․ օդաչուն զոհվել է
Բոլորը

««Ուժեղ Հայաստան»-ում չի լինելու անբավարարված կին»,- օրեր առաջ թիմակցի հետ փոդքասթի ժամանակ ասել էր գործարար Սամվել Կարապետյանի որդին՝ Սարգիս Կարապետյանը։ Այս ձևակերպմանը հետևել էր դեմոգրաֆիկ խնդիրների լուծման ուղղությամբ կատարվելիք գործողությունների մասին խոսակցություն՝ պոդքաստը վարողի և հրավիրյալների միջև․ «Սեքսի նախարարությո՞ւն պետք է ստեղծվի», «Ինչքանով ես գիտեմ՝ առանց սեքսի դեմոգրաֆիկ հարցերը չեն լուծվում»։

Փոդքասթի այս հատվածի տեսագրությունը ակտիվ շրջանառվում է սոցհարթակներում՝ առաջացնելով բազմաթիվ օգտատերերի վրդովմունքը։ Իրավապաշտպան Զարուհի Հովհաննիսյանը Factor TV-ի հետ զրույցում նշեց՝ շատ մակերեսային և խոցելի մոտեցում է նման թեմայով հրապարակային քննարկում ծավալելը։

«Իրենք շոշափել են մի թեմա, որի համար պետք է ունենալ բավական խորքային հետազոտություններ և գիտելիքներ, որոնք պետք է հիմնված լինեն նաև իրենց ուսումնասիրությունների վրա, այլ ոչ ենթադրությունների։ Իմ կարծիքով՝ այստեղ ավելի շատ տղամարդկանց թիրախավորումն է, քանի որ նրանց խոսքից դատելով՝ տղամարդիկ են մեղավոր, որ չեն կարողացել բավարարել։ Այստեղ կորելացիան հենց դուրս է գալիս տղամարդկանց ունակությունների և կարողությունների կասկածի տակ դնելու շրջանակը։ Իրենք մտածում են, որ կանանց են թիրախավորում, բայց, ստացվում է, հակառակ պատկերն է ստացվել»,- նշեց իրավապաշտպանը։

Հովհաննիսյանի կարծիքով՝ նման խոսույթի իմաստը քննարկումներ և հուզումներ առաջացնելն է․ «Բումային, աժիոտաժային երևույթ առաջացնելու միտում են ունեցել, և այս դեպքում,  կապ չունի, քննարկումը կծավալվի դրակա՞ն, թե՞ բացասական նոտայի վրա»։

Նշենք, ծավալված քննադատություններից հետո Սարգիս Կարապետյանն ինստագրամյան իր էջում փոքրիկ տեսանյութ էր հրապարակել, նշելով՝ իրենք քննարկել են այնպիսի թեմաներ, որոնք տաբու են Հայաստանում, սակայն իր համար՝ այդ հարցերն ամենակարևորն են․ «Մենք միշտ քննարկում ենք արտաքին վտանգները, բայց մոռանում ենք ներքին սպառնալիքների մասին»։

Օգտատերերից մեկն էլ հանցագործության մասին հաղորդում է ներկայացրել։ Ըստ նրա՝ Կարապետյանը և փոդքասթին մասնակցող մյուս երկու անձինք հանրային հարթակում կատարել են հայտարարություն, որը պարունակում է կանանց արժանապատվությունը նվաստացնող, սեռային խտրականություն և հասարակության որոշակի խմբի նկատմամբ ատելություն կամ անհանդուրժողականություն տարածող արտահայտություններ.

«Մասնավորապես, վերջիններս հրապարակային կերպով հայտարարել են, թե իբր «…ուժեղ Հայաստանում չի լինի անբավարարված կին, և անհրաժեշտ է նրանց «բավարարելու» նպատակով ստեղծել «սեքսի նախարարություն»»։

Նշված հայտարարությունն ակնհայտորեն նվաստացնում է կանանց արժանապատվությունը, ներկայացնում է կանանց որպես սեռական օբյեկտ՝ զրկելով նրանց մարդկային և հասարակական սուբյեկտայնությունից, խաթարում է սեռերի իրավահավասարության սահմանադրական սկզբունքը, ունի հանրային վտանգավոր բնույթ և կարող է առաջացնել ատելության, անհանդուրժողականության կամ նվաստացման մթնոլորտ կանանց նկատմամբ»։

Ռոզա Վարդանյան