09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
UFC-ի չեմպիոն Վոլկանովսկին արձագանքել է Արման Ծառուկյանի մարտահրավերին
30.01.2026 | 13:41
UFC-ի կիսաթեթև քաշային կարգի գործող չեմպիոն Ալեքսանդր Վոլկանովսկին արձագանքել է հայ մարտիկ Արման Ծառուկյանի մարտահրավերին։ Ավելի վաղ թեթև քաշային կարգի դասակարգման երկրորդ համար Ծառուկյանը հայտարարել էր, որ եթե չստանա չեմպիոնական մենամարտ անցկացնելու հնարավորություն, պատրաստ է փոխել քաշային կարգը և մենամարտել Վոլկանովսկու հետ։
«Ես սիրում եմ մարտահրավերներ։ Իսկ Արմանը հեշտ մարտահրավեր չէ ինձ համար։ Եթե նա կարողանա իջնել կիսաթեթև քաշային կարգ, դա բարդ մարտահրավեր կլինի։ Նույնը կարող եմ ասել Մովսար Եվլոևի մասին։ Մովսար, Արման կամ Լերոյ Մերֆի․ բոլորը հետաքրքիր տարբերակներ են ինձ համար»,- ավստրալացի մարտիկի խոսքը մեջբերում է The Mac Life-ը։
Հունվարի 31-ին Ալեքսանդր Վոլկանովսկին Սիդնեյում կայանալիք UFC 325 մրցաշարում տիտղոսի պաշտպանության մենամարտ է անցկացնելու բրազիլացի Դիեգո Լոպեսի հետ։
29-ամյա Արման Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
