05.10.2026 | 15:39
Եմենի կառավարական ուժերը հայտարարել են Բաբ էլ-Մանդեբի նեղուցի նկատմամբ վերահսկողությունը վերականգնելու մասին
ՄԻՊ-ն ընդունել է Բաքվի գերությունից վերադարձած Վիգեն Էուլջեքջյանին ու կնոջը՝ Լինդային
Հասարակություն
29.01.2026 | 18:27
ՀՀ մարդու իրավունքների պաշտպանության աշխատակազմից հայտնում են, որ հունվարի 29-ին Մարդու իրավունքների պաշտպան Անահիտ Մանասյանն ընդունել է Վիգեն և Լինդա Էուլջեքջյաններին։
«Ողջունելով հյուրերին՝ Անահիտ Մանասյանը նշել է, որ վերջիններիս իրավունքներին վերաբերող հարցերն առաջին իսկ օրվանից գտնվել են իր անմիջական ուշադրության կենտրոնում, դրանք անընդհատ ռեժիմով հասցեավորվել են միջազգային և ներպետական իրավասու մարմիններին:
Լինդա Էուլջեքջյանը շնորհակալություն է հայտնել Մարդու իրավունքների պաշտպանին այս ամբողջ ժամանակահատվածում իրենց խնդիրները մշտապես ուշադրության կենտրոնում պահելու, սոցիալական աջակցություն ստանալու հարցում Անահիտ Մանասյանի գործադրած ջանքերի և անհրաժեշտ աջակցության համար:
Հանդիպման ընթացքում բարձրացվել են իրավունքներին առնչվող տարատեսակ հարցեր: Անահիտ Մանասյանն ընդգծել է, որ այդ հարցերը ևս ՄԻՊ աշխատակազմում կդառնան ուսումնասիրության առարկա և կհասցեավորվեն ըստ իրավասության»,- ասված է հաղորդագրությունում։
Հիշեցնենք, որ ս․թ․ հունվարի 14-ին Ադրբեջանում պահվող 4 հայեր վերադարձան Հայաստան։
