03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Աշխատանքներ են տարվում Ադրբեջանի և Հայաստանի հետ համատեղ մաքսային անցակետերի նախագծերի ուղղությամբ. Կոբախիձե
Քաղաքականություն
26.01.2026 | 13:58
Այսօր, երբ աշխարհը գտնվում է առևտրային ուղիների վերագնահատման գործընթացում, Վրաստանը դառնում է տարածաշրջանային կայունության և լոգիստիկայի կենտրոն, և մաքսային ոլորտում ընթացող բարեփոխումները կարևորագույն նշանակություն ունեն այս գործընթացում։ Այս մասին հայտարարել է Վրաստանի վարչապետ Իրակլի Կոբախիձեն Միջազգային մաքսային օրվան նվիրված միջոցառման ժամանակ ունեցած ելույթում։
Նրա խոսքով՝ Վրաստանում հաջողությամբ ներդրվել է Եվրամիության հետ համատեղելի համակարգչային տարանցիկ համակարգ, որը, մեկ հայտարարագրով և մեկ երաշխիքով, ապահովում է բեռների անխափան տեղաշարժը Եվրամիության և Կոնվենցիայի անդամ 39 պետությունների շրջանակում։
«Բացի այդ, Ասիական զարգացման բանկի աջակցությամբ ակտիվորեն աշխատանքներ են տարվում Ադրբեջանի և Հայաստանի հետ համատեղ մաքսային անցակետերի նախագծերի վրա, ինչը տարածաշրջանային համագործակցության լավագույն օրինակն է»,- ասել է Վրաստանի վարչապետը։
Թարգմանությունը՝ Էմմա Չոբանյանի
