Ֆուտզալի Հայաստանի ազգային հավաքականը Եվրոպայի առաջնության երկրորդ տուրից հետո ապահովեց B խմբի առաջին տեղն ու փլեյ-օֆֆի ուղեգիրը։
Երկրորդ տուրում Ռուբեն Նազարեթյանի գլխավորած թիմը Լիտվայի Կաունաս քաղաքի «Ժալգիրիս Արենա» մարզապալատում մրցել էր Չեխիայի հավաքականի հետ ու հաղթել 5։4 հաշվով։
Խմբի մյուս խաղում 2024թ․ աշխարհի առաջնության բրոնզե մեդալակիր Ուկրաինայի հավաքականը 4։1 հաշվով հաղթեց լիտվացիներին։
Խմբային փուլի վերջին տուրից առաջ Հայաստանն ունի 6 միավոր, Ուկրաինան՝ 3, իսկ Չեխիան ու Լատվիան՝ 1-ական։
Հավասար միավորների դեպքում Ուկրաինայի հավաքականը չի կարող շրջանցել Հայաստանի հավաքականին, քանի որ առաջին տուրում 1։2 հաշվով պարտվել է հայ ֆուտզալիստներին և իրար միջև խաղում գրանցված արդյունքը առաջնային է լինելու։
Քառորդ եզրափակիչում Հայաստանի հավաքականը մրցելու է A խմբում երկրորդ տեղը զբաղեցրած հավաքականի հետ: A խմբի երկրորդ տուրից հետո Ֆրանսիան ունի 4 միավոր, Լատվիան՝ 3, Խորվաթիան՝ 2, Վրաստանը՝ 1։
Լատվիայում, Լիտվայում և Սլովենիայում անցկացվող Եվրո-2026-ի խմբային փուլը Հայաստանի հավաքականը կավարտի hունվարի 28-ին՝ դարձյալ Կաունասի «Ժալգիրիս Արենայում» մրցելով Լիտվայի հավաքականի հետ։
