01.09.2026 | 23:48
ՀՀ նախագահը պաշտոնական այցով կմեկնի Չեխիա
Վարդան Ղուկասյանի ձերբակալվելու օրը Գյումրիում տեղի ունեցած դեպքերի վերաբերյալ գործն ուղարկվել է դատարան․ մեղադրյալներից մեկը Ղուկասյանի որդին է
Քաղաքականություն
22.01.2026 | 19:43
Գյումրիի քաղաքապետ Վարդան Ղուկասյանին ձերբակալելու օրը համայնքապետարանի շենքում և հարակից հրապարակում տեղի ունեցած իրադարձությունների վերաբերյալ գործն ուղարկվել է դատարան։ Գործով մեղադրյալի աթոռին են Ղուկասյանի որդին՝ Սպարտակ Ղուկասյանը, փեսան՝ Ավետիս Առաոքելյանն ու ևս երկու անձ։
Ըստ մեղադրանքի՝ Սպարտակ Ղուկասյանը խմբի կազմում կազմակերպել և ղեկավարել է պաշտոնատար անձի օրինական ծառայողական գործունեությանը միջամտելու նպատակով պաշտոնատար անձի գույքի վնասում և ոչնչացում և նույն նպատակով պաշտոնատար անձի նկատմամբ բռնության գործադրում, ինչպես նաև՝ կազմակերպել և ղեկավարել է հասարակական անվտանգությանը սպառնացող զանգվածային անկարգություններ, որոնք զուգորդվել են բռնության գործադրմամբ, գույք ոչնչացնելով և վնասելով։
Ավետիս Գուրգենի Առաքելյանին, որը Վարդան Ղուկասյանի փեսան է և այժմ՝ համայնքապետի պաշտոնակատարը, մեղադրանք է առաջադրվել այն բանի համար որ խմբի կազմում, անցել է իր իշխանական և ծառայողական լիազորությունները, կատարել է այնպիսի արարք, որը դուրս է իր լիազորությունների շրջանակից, ինչի հետևանքով էական վնաս է պատճառվել անձի, կազմակերպությունների, իրավունքներին, ազատություններին, օրինական շահերին և հասարակության օրինական շահերին, իր հերթին՝ խմբի կազմում կազմակերպել և ղեկավարել է պաշտոնատար անձի օրինական ծառայողական գործունեությանը միջամտելու նպատակով պաշտոնատար անձի գույքի վնասում և ոչնչացում և նույն նպատակով պաշտոնատար անձի նկատմամբ բռնության գործադրում, ինչպես նաև՝ կազմակերպել և ղեկավարել է հասարակական անվտանգությանը սպառնացող զանգվածային անկարգություններ, որոնք զուգորդվել են բռնության գործադրմամբ, գույք ոչնչացնելով և վնասելով։
Նույն մեղադրանքն է առաջադրվել նաև Կարապետ Գագիկի Ղուկասյանին և Արտյոմ Արտուշի Մկրտչյանին։
Գործն ուղարկվել է Հակակոռուպցիոն դատարան և մակագրվել դատավոր Սարգիս Դադոյանին։
Հիշեցնենք, որ 2025 թվականի հոկտեմբերի 20-ին իրավապահներն այցելել են Գյումրիի համայնքապետարան՝ Վարդան Ղուկասյանին ձերբակալելու, սակայն տևական ժամանակ նրանց չի հաջողվել Ղուկասյանին դուրս տանել շենքից, քանի որ աջակիցները շրջափակել էին համայնքապետարանի շենքը։
Արաքս Մամուլյան
