20.09.2026 | 20:00
Ո՞ւմ դիմել, եթե ցավում է հոգին․ թեժ գիծ՝ միայն աշխատանքային ժամի, որոշ դպրոցներ՝ առանց հոգեբանի․ ՏԵՍԱՆՅՈՒԹ
ՀՀ-ն 1 մլրդ դոլար չի վճարի «Խաղաղության խորհրդին» անդամակցելու համար
Քաղաքականություն
22.01.2026 | 16:50
Հայաստանը 1 միլիարդ դոլար չի վճարի Թրամփի ստեղծած «Խաղաղության խորհրդին» անդամակցության համար։ Factor.am-ի հարցմանն ի պատասխան ՀՀ ԱԳՆ մամուլի խոսնակ Անի Բադալյանը ներկայացրել է ՀՀ-ի անդամակցության կարգը «Խաղաղության խորհրդին»։
«Խաղաղության խորհրդի կանոնադրությունը նախատեսում է Խորհրդին անդամակցություն՝ ֆինանսական հատկացումների կամավոր սկզբունքով։ ԱՄՆ նախագահ Թրամփի կողմից հրավեր ստացած երկիրը կարող է անդամակցել խորհրդին՝ առանց հստակ սահմանված անդամավճարի՝ մինչև երեք տարի ժամկետով, ինչը սահմանված կարգով ենթակա է վերանայման այդ ժամկետը լրանալուց հետո։ ՀՀ կառավարությունը հավանություն է տվել Խաղաղության խորհրդին անդամակցությանն այս հիմունքներով։ Ձեր կողմից վկայակոչվող անդամավճարը կամավոր է և վերաբերելի է կազմակերպությանը՝ դրա կանոնադրության ուժի մեջ մտնելուց հետո մեկ տարվա ընթացքում որևէ երկրի կողմից մշտական անդամակցության ցանկություն հայտնելու պարագայում»,- ասաց Անի Բադալյանը։
Նշենք, որ այսօր Դավոսում 19 երկրների ներկայացուցիչների կողմից ստորագրվեց «Խաղաղության խորհրդի» կանոնադրությունը, որին միացել են նաև Հայաստանն ու Ադրբեջանը։
Նարեկ Կիրակոսյան
