06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
ՍԴ նախագահը 7 մլն 787 հազար դրամ պարգևավճար կստանա
Քաղաքականություն
21.01.2026 | 19:44
Արդարադատության նախարարությունը շրջանառության մեջ է դրել օրենքի նախագիծ, որով առաջարկվում է Սահմանադրական դատարանի նախագահի, փոխնախագահի և դատավորների համար սահմանել նոր՝ աշխատանքային ստաժի վրա հիմնված հավելավճարներ։
Նշվում է, որ նախագծի նպատակն է ամրապնդել ՍԴ դատավորների սոցիալական և նյութական անկախության երաշխիքները՝ հաշվի առնելով նրանց բարձր սահմանադրաիրավական կարգավիճակն ու բացառիկ լիազորությունները։ Առաջարկվում է, որ պաշտոնավարման երկրորդ տարում հավելավճարը կազմի հիմնական աշխատավարձի 20 տոկոսը, երրորդ տարում՝ 35 տոկոսը, իսկ չորրորդ տարվանից սկսած՝ ամեն տարի նախորդ տարվա չափին ավելանա ևս 10 տոկոս։ Հավելավճարը կկիրառվի առավելագույնը 11 տարվա համար։
2026 թվականին ՍԴ դատավորների հավելավճարների համար պետական բյուջեից կհատկացվի 46 մլն 775 հազար դրամ։ Այդ գումարը կբաշխվի հետևյալ կերպ՝ սահմանադրական դատարանի նախագահ՝ 7 մլն 787 հազար 520 դրամ, փոխնախագահ՝ 5 մլն 790 հազար 720 դրամ, 7 դատավորներ՝ ընդհանուր 33 մլն 196 հազար 800 դրամ։
Հիշեցնենք՝ ՀՀ կառավարությունը 3,5 մլրդ դրամ էլ նախորդ տարվա դեկտեմբերին էր հատկացրել պետական ծառայողների և քաղաքական պաշտոնյաների պարգևավճարներին։ Նախարարները միջինում ստացել էին մինչև 7 մլն դրամ պարգևավճար։
Նարեկ Կիրակոսյան
