02.07.2026 | 20:23
Ջրամատակարարման ժամանակացույցի փոփոխության մասին պնդումները չեն համապատասխանում իրականությանը. Ջրային կոմիտեն պարզաբանում է
Օպերատոր ունենք այն հատվածով, որն այսօր գործարկված է․ Ավանեսյանը՝ առողջության ապահովագրության մասին․ ՏԵՍԱՆՅՈՒԹ
21.01.2026 | 13:14
«Մենք օպերատոր ունենք այն հատվածով, որն այսօր գործարկված է, հավելյալ ծառայությունների մասով լինելու են ընդլայնումներ»,- այս մասին լրագրողների հետ ճեպազրույցում ասաց Առողջապահության նախարար Անահիտ Ավանեսյանը՝ անդրադառնալով առողջության համընդհանուր ապահովագրության համակարգում ինտեգրված օպերատորի անհրաժեշտությանը։
«Մենք 2016 թվականից ունենք «Արմեդ» միասնական տեղեկատվական համակարգը՝ իր օպերատորով: Եվ այդ օպերատորը կոնցեսիոն պայմանագրի շրջանակներում այսօր էլ սպասարկում է: Բայց գիտեք, որ տեխնոլոգիաները շատ սրընթաց զարգանում են և մենք առողջության ապահովագրության շրջանակներում անընդհատ ընդլայնելու ենք մեր թվային գործիքները, հնարավորությունները և շարունակաբար նոր շրջանակների համար մրցույթներ ենք իրականացնում: Դրանցից մեկը արդեն իսկ ամփոփվել է, մրցութային հանձնաժողովը առաջիկայում կիրականացնի հայտի կամ հայտերի գնահատումը և հանդես կգանք արդեն ավարտման ժամանակ, կիմանանք՝ ունե՞նք հաղթող, չունե՞նք հաղթող, ո՞վ է հաղթողը»,- ասաց Ավանեսյանը:
Ըստ Ավանեսյանի՝ տեղյակ են ընթացիկ խնդիրների մասին և քայլեր են անում առաջիկայում տեխնիկական խնդիրները կարգավորելու համար։
Մանրամասները՝ տեսանյութում։
