03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Փաշինյանի իշխանության տարիներին ՀՀ պետական պարտքը կրկնապատկվել է
Տնտեսություն
19.01.2026 | 20:44
7․7 մլրդ դոլար․ սա այն գումարն է, որ ՀՀ վարչապետ Նիկոլ Փաշինյանի կառավարման տարիներին Հայաստանի Հանրապետությունը պարտք է վերցրել։ Ըստ ֆինանսների նախարարության՝ 2025 թվականի տարեվերջին ՀՀ պետական պարտքը կազմել է 14 մլրդ 531․3 մլն դոլար, որից ՀՀ կառավարության պարտքը 14 մլրդ 40․7 մլն դոլար է, Կենտրոնական բանկի պարտքը՝ 490․7 մլն դոլար։
Ինֆոգրաֆիկայից պարզ երևում է, որ գործող իշխանությունը 2018-ից հետո ավելի քան կրկնապատկել է ՀՀ պետական պարտքը։
Թե՛ Հայաստանի պետական պարտքի մասին օրենքի և թե՛ կառավարության 2024-26 թվականների ռազմավարության համաձայն՝ պարտք/ՀՆԱ ցուցանիշը չպետք է գերազանցի 50%-ը։ Թե որքան կկազմի պետական պարտք/ՀՆԱ հարաբերակցությունը 2025-ի արդյունքներով, առայժմ պարզ չէ․ համախառն ներքին արդյունքի տարեկան ցուցանիշը ՀՀ վիճակագրական կոմիտեն հրապարակում է փետրվարին։ 2024-ի տվյալներով՝ պետական պարտք/ՀՆԱ-ն հաշվարկել էին ուղիղ 50%:
Նշենք, որ եթե ՀՀ պետական պարտքը գերազանցի ՀՆԱ-ի 50%-ը, դա նշանակում է ֆիսկալ ռիսկի աճ՝ պարտքի սպասարկման բեռի մեծացում, բյուջեի ճնշում, արժութային ռիսկեր և վարկային պայմանների վատթարացման վտանգ։
Գայանե Խաչատրյան
