10.09.2026 | 22:15
Ադիս Աբեբայում ներկայացվել են COP17-ի՝ ՀՀ նախագահության առաջնահերթություններն ու նախապատրաստական աշխատանքները
Կաշառք ստանալու պահին ձերբակալվել են ՊԵԿ-ի 2 գլխավոր օպերլիազորներ․ նրանք մեղադրվում են 9 մլն դրամ կաշառք ստանալու համար․ Հակակոռուպցիոն կոմիտե
Հասարակություն
19.01.2026 | 18:31
Կաշառք ստանալու պահին ձերբակալվել են ՊԵԿ-ի 2 գլխավոր օպերլիազորներ։ Այս մասին Factor.am-ին հայտնել են Հակակոռուպցիոն կոմիտեից։
«Ի պատասխան հարցման՝ հայտնում ենք, որ ՀՀ հակակոռուպցիոն կոմիտեի կողմից իրականացված օպերատիվ-հետախուզական միջոցառումների և գաղտնի քննչական գործողությունների արդյունքում, հանցավոր արարք կատարելուց անմիջապես հետո, ձերբակալվել են ՀՀ պետական եկամուտների կոմիտեի երկու գլխավոր օպերլիազորներ։ Վերջիններս մեղադրվում են տնտեսվարողի օգտին ապօրինի գործողության դիմաց նրանից առանձնապես խոշոր չափերի՝ 9 միլիոն ՀՀ դրամ կաշառք ստանալու մեջ»,- հայտնում են Կոմիտեի։
Նշենք, որ հունվարի 15-ին Հակակոռուպցիոն կոմիտեում քննվող մեկ այլ վարույթի շրջանակներում ՊԵԿ պաշտոնատար անձինք էին ձերբակալվել։
Արաքս Մամուլյան
