02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Դավիթ Համբարձումյանը հնարավորություն ունեցել է չվերադառնալու, բայց վերադարձել է՝ գիտակցումով, որ գնալու է բանտ. պաշտպան
Հասարակություն
19.01.2026 | 16:17
Վերաքննիչ դատարանը քննում է 2025-ի տարեվերջին 6 տարի 3 ամիս ժամկետով ազատազրկման դատապարտված Մասիսի համայնքապետ Դավիթ Համբարձումյանի գործով բողոքները:
Համբարձումյանի պաշտպան Գայանե Պապոյանը պնդեց, որ Համբարձումյանը չի ունեցել և չունի պատժից խուսափելու միտում։ Ըստ նրա՝ Դավիթ Համբարձումյանը հնարավորություն է ունեցել չվերադառնալու, բայց վերադարձել է՝ գիտակցումով, որ գնալու է բանտ:
Նշենք, որ առաջին ատյանի դատարանը 2025 թվականի հոկտեմբերի 23-ին Դավիթ Համբարձումյանին 6 տարի 3 ամիս ժամկետով ազատազրկման է դատապարտել և նրա նկատմամբ ընտրված գրավ խափանման միջոցը փոխել է կալանքի: Դատարանը դիրքորոշում է հայտնել, որ Համբարձումյանը կարող է պատժի կրումից խուսափել:
Գայանե Պապոյանը նաև դիտարկեց. Քրեական դատավարության օրենսգրքով գոյություն չունի կալանքի՝ պատժի կրումից խուսափելու» հիմք:
Նշենք, որ հոկտեմբերի 23-ին, այսինքն՝ դատավճռին նախորդած նիստի ընթացքում Դավիթ Համբարձումյանը ներկա է եղել: Նա դատարանին հայտնեց, որ այս նիստից հետո գործնական նպատակով մեկնել է Հայաստանից, և պատասխանելով դատարանի հարցին, ասաց, որ մեկնել է, քանի որ դատարանը հայտնել է, որ դատավճռին իր ներկայությունը օրենքով պարտադիր չէ:
Դատարանն հեռացել էր առանձին սենյակ՝ Համբարձումյանի խափանման միջոցի գործով որոշում կայացնելու:
Արաքս Մամուլյան
