24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
Գազի գինը իջեցնելու ռեզերվ կա, շուտով քննիչ հանձնաժողովի զեկույցը պատրաստ կլինի. Միքայել Մելքումյան. ՏԵՍԱՆՅՈՒԹ
Տնտեսություն
08.11.2018 | 14:52
Գազի գինն իջեցնելու ռեզերվ կա: Այսօր՝ նոյեմբերի 8-ին, ՀՀ Ազգային ժողովում լրագրողների հետ զրույցում նման կարծիք հայտնեց ԱԺ փոխխոսնակ, գազի և էլեկտրաէներգիայի սակագների հիմնավորվածությունը քննող խորհրդարանական քննիչ հանձնաժողովի նախագահ Միքայել Մելքումյանը:
«Քննարկման հիմնական իմաստն ու բովանդակությունն այն է, որ պարզենք՝ կա՞ն ռեզերվներ, թե՞ չկան: Շատ բազմաբովանդակ, բազմավեկտոր հարց է դա: Բնականաբար, արտադրողները կամ ծառայություն մատուցողները, ինչպիսին են ՀԷՑ-ը, «Գազպրոմ Արմենիան», ՋԷԿ-երը, ՀԷԿ-երը, բոլորն էլ պետք է իրենց շահերը պաշտպանեն: Բայց ես համոզված ասում եմ, որ այո՛, մենք ռեզերվներ ունենք՝ առանց ընդհանուր բալանսը խախտելու գազի գինն իջեցնելու»,- վստահ է Մելքումյանը:
Նա հիշեցրեց սահմանին և սպառողին հասնող երկնագույն վառելիքի գները. այն սահման է հասնում 1.000 խորանարդ մետրը 150 դոլարով, իսկ սպառողին՝ ավելի թանկ՝ 290 դոլար: Միաժամանակ, գազի սակագինը սպառողների տարբեր խմբերի տարբեր սակագնով է հասնում:
«Արդյունքում գազի սակագինը դիվերսիֆիկացված է: Ինչո՞ւ չքննարկել, օրինակ, որ չունենանք երկու սակագին՝ մինչև 10.000 և դրանից ավելի, այլ ունենանք մեկ սակագին՝ մինչև 1.000, 1.000-ից մինչև 5.000 և այդպես շարունակ: Այո՛, միգուցե «Գազպրոմ Արմենիա»-ի շահերին որոշակի կպչենք, բայց մենք պետք է գնանք կոմպրոմիսի»,- հայտարարեց Միքայել Մելքումյանը:
Մանրամասները՝ տեսանյութում:
