09.06.2026 | 21:37
27/7 ընտրատեղամասի տվյալները սխալ են մուտքագրվել ոչ միայն ԲՀԿ-ի դեպքում
Սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է․ Արսեն Թորոսյան
Հասարակություն
15.01.2026 | 14:50
Աշխատանքի և սոցիալական հարցերի նախարարից հայտնում են, որ Շիրակի մարզ կատարած այցի շրջանակում նախարար Արսեն Թորոսյանն այցելել է Մարալիկի սոցիալական բնակարաններ։ Թորոսյանը նշել է, որ սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է։
«Աշխատանքի և սոցիալական հարցերի նախարար Արսեն Թորոսյանն Անի համայնքի ղեկավար Արման Սարիբեկյանի ուղեկցությամբ այցելել է «Օթևան» ՊՈԱԿ-ի Մարալիկի սոցիալական բնակարաններ։
Նախարարը շրջել է տարածքում, ծանոթացել շինությունների տեխնիկական վիճակին և բնակարանային պայմաններին, ինչպես նաև շփվել սոցիալական բնակարանների բնակիչների հետ, լսել նրանց կողմից բարձրացված հարցերը։
Նախարար Թորոսյանը նշել է, որ սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է, և այս ուղղությամբ իրականացվում են շարունակական քայլեր՝ միտված խոցելի խմբերի բնակարանային պայմանների բարելավմանը և արժանապատիվ կենսապայմանների ապահովմանը»,- ասված է հաղորդագրությունում։
