09.06.2026 | 00:17
Մարկո Ռուբիոն շնորհավորել է Փաշինյանին
Յուրի Խաչատուրովը նախաքննությունից թաքնվելու մտադրություն երբեք չի ունեցել. Միհրան Պողոսյան
Հասարակություն
08.11.2018 | 11:48
ՀԱՊԿ արդեն նախկին գլխավոր քարտուղար Յուրի Խաչատուրովը Հայաստան է վերադարձել: Factor.am-ին այս մասին ասաց նրա փաստաբան Միհրան Պողոսյանը:
«Վերադարձել է, նոյեմբերի 4-ից Հայաստանի Հանրապետությունում է»,- հստակեցրեց Միհրան Պողոսյանը:
Այս օրերին Յուրի Խաչատուրովը վարույթն իրականացնող մարմին չի կանչվել: Փաստաբանն ընդգծեց, որ Յուրի Խաչատուրովը թաքնվելու, նախաքննությունից խուսափելու մտադրություն երբեք չի ունեցել:
«Վարույթն իրականացնող մարմինը, անհրաժեշտության դեպքում, կարող էր ցանկացած պահի հրավիրել նրան: Հուլիսի 26-ին նույնպես ծանուցագիրն ուղարկել էին, և որպես վկա նա դրսից էր եկել: Այստեղ լինել-չլինելը որևէ նշանակություն չի ունեցել»,- հավելեց Պողոսյանը:
Հիշեցնենք, որ Յուրի Խաչատուրին Մարտի 1-ի գործով մեղադրանք է առաջադրվել: Ավելի ուշ պաշտոնական Երևանը նրան ՀԱՊԿ գլխավոր քարտուղարի պաշտոնից հետկանչի գործընթաց նախաձեռնեց, և նոյեմբերի 2-ին արդեն Խաչատուրովը դադարեցրեց լիազորությունները:
ՀԱՊԿ նոր գլխավոր քարտուղարին, ակնկալվում է, կազմակերպության անդամ պետությունների ղեկավարները կընտրեն այսօր՝ նոյեմբերի 8-ին Աստանայում մեկնարկող գագաթնաժողովի ընթացքում:
