02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Ձնագնդիով խփելու շուրջ պատանիների վեճը վերածվել է դանակահարության
Հասարակություն
13.01.2026 | 19:25
Գյումրիում անչափահասների միջև առաջացած կենցաղային վեճը վերաճել է դանակահարության․ 16-ամյա պատանին կտրած-ծակած վնասվածքներով տեղափոխվել է բժշկական կենտրոն, իսկ ենթադրյալ մեղավորը ձերբակալվել է։
ՆԳՆ ոստիկանությունից տեղեկացնում են՝ պարզվել է, որ անչափահասը դանակահարվել է։ Նախաձեռնվել է քրեական վարույթ, որի շրջանակում ձեռնարկված օպերատիվ-հետախուզական միջոցառումներով բացահայտվել են միջադեպի հանգամանքները։
Պարզվել է, որ ժամը 18։30-ի սահմաններում երկու պատանիների միջև ձնագնդիով խփելու պատճառով վեճ է ծագել, որին միջամտել են նրանց ընկերները, այդ թվում՝ տուժածը։ Շենքի հետնամասում շարունակված վիճաբանությունը վերաճել է քաշքշուկի և ծեծկռտուքի, որի ընթացքում 17-ամյա երիտասարդը մոտը եղած ծալովի դանակով հարվածել է 16-ամյա պատանուն։
Դանակահարողը ձերբակալվել է, խոստովանել է արարքը և ներկայացվել նախաքննական մարմին։ Քրեական վարույթը շարունակվում է։
