14.07.2026 | 16:38
Քաղցրաշեն գյուղում 13-ամյա աղջիկ է մահացել․ վարչական շրջանի ղեկավարը՝ դեպքի մասին
Դատախազությունում հաղորդում է ստացվել Վեդիի համայնքապետարանի աշխատակցին իր կամքին հակառակ պատարագի տանելու ենթադրյալ փաստի վերաբերյալ
Հասարակություն
12.01.2026 | 17:33
Վեդիի համայնքապետարանի աշխատակցի՝ վերադասի պահանջով Փաշինյանի մասնակցությամբ պատարագին ներկա գտնվելու հայտարարությունից հետո ՀՀ գլխավոր դատախազությունը հաղորդում է ստացել։ Այս մասին Factor.am-ին հայտնեցին Դատախազությունից։
«Հաղորդմանը օրենքով սահմանված կարգով ընթացք է տրվել»,- մանրամասնեցին կառույցից։
Հիշեցնենք՝ երեկ Մասիսի եկեղեցու տարածքում ներկաներից մեկը պատասխանելով Factor.am-ի հարցին, նշել էր, որ իր ցանկությամբ չի եկել, այլ իրենից պահանջել են ներկա լինել։
«Ես երկար չեմ կարող կանգնել, պահանջել են՝ եկել եմ, ի՞նչ անեմ։ Կոմունալի աշխատող ենք, պահանջել են, պտի գանք։ Առհասարակ չեմ եկել, առաջին անգամ եմ եկել։ Ես հիվանդանոցից եմ եկել»,- ասել էր քաղաքացին, որը ներկայացել էր Վեդիի համայնքապետարանի կոմունալ բաժնի աշխատակից։
Թե ով էր պահանջել քաղաքացուն մասնակցել պատարագին, նա հրաժարվեց պատասխանել այն բանից հետո, երբ գործընկերներից մեկը շշուկով ինչ-որ բան ասաց։
Նշենք, որ Վեդիի համայնքապետը ՔՊ-ական Գարիկ Սարգսյանն է, որը մինչ այս քաղաքացու հայտարարությունը մեզ հետ զրույցում բացառել էր, որ որևէ մեկը ճնշումներով է եկել պատարագի։
Նարեկ Կիրակոսյան
