09.06.2026 | 23:00
Antrophic-ը զգուշացնում է․ ԱԲ զարգացումը 25 տոկոս հավանականությամբ կարող է դուրս գալ մարդու վերահսկողությունից
ԱԱԾ 5 աշխատակիցներ վարչապետի շնորհակալագրով և հուշամեդալով են պարգևատրվել
Քաղաքականություն
08.01.2026 | 19:30
Վարչապետ Նիկոլ Փաշինյանը հունվարի 7-ին որոշում է ստորագրել, որով Ազգային անվտանգության 5 աշխատակիցների շնորհակալագրերով և հուշամեդալներով է պարգևատրել։
Այսպիսով, վարչապետի շնորհակալագրով են պարգևատրվել ԱԱԾ գլխավոր վարչության բաժնի պետի տեղակալ-բաժանմունքի պետ, փոխգնդապետ Միքայել Աբելյանը և վարչության բաժնի պետ, փոխգնդապետ Հայկ Խաչատրյանը։
Ազգային անվտանգության մարմինների աշխատողի օրվա կապակցությամբ, հայրենիքի անվտանգության, իրավակարգի և օրինականության ամրապնդման գործում ներդրած ավանդի համար վարչապետի հուշամեդալով են պարգևատրվել ծառայության տնօրենի տեղակալ Դավիթ Սանամյանը, գլխավոր վարչության պետի պարտականությունների ժամանակավոր կատարող գնդապետ Միհրան Գարբուզյանը և սահմանապահ զորքերի հրամանատարի 1-ին տեղակալի-շտաբի պետի պարտականությունների ժամանակավոր կատարող, գնդապետ Ռոման Սահակյանը։
Նշենք՝ Սանամյանը ԱԱԾ տնօրենի տեղակալ է նշանակվել 2025-ի օգոստոսի 29-ին։
Եվգենյա Համբարձումյան
