13.03.2026 | 23:44
Մենք ձեռնարկում ենք անհրաժեշտ քայլեր՝ կանխելու արյունալի սցենարները, որոնք փորձում են իրականացնել մեր տարածաշրջանում. Էրդողան
Ես չեմ ասում ԱԺ գալու նպատակ չունեմ, ես ասում եմ՝ պատրաստ եմ աշխատել որպես նախարար. Արսեն Թորոսյան․ ՏԵՍԱՆՅՈՒԹ
Քաղաքականություն
07.11.2018 | 14:00
Արտահերթ խորհրդարանական ընտրություններին Արսեն Թորոսյանը կմասնակցի որպես ռեյտինգային թեկնածու և կառաջադրվի թիվ 4 ընտրատարածքում:
Այս մասին առողջապահության նախարարի պաշտոնակատարն այսօր՝ նոյեմբերի 7-ին ասաց ՀՀ Ազգային ժողովում լրագրողների հետ զրույցում:
Միաժամանակ, Արսեն Թորոսյանը պատրաստ է աշխատել նաև գործադիրում. «Առաջադրվելն ընտրապայքարի մեջ մտնելու, «Քաղաքացիական պայմանագիր» կուսակցությանն ավելի շատ ձայներ բերելու համար է արվել: Իսկ ընտրություններից հետո արդեն կորոշվի՝ ով է պաշտոնավարում Ազգային ժողովում, ով՝ կառավարությունում»: Ճշտող հարցին, որ, փաստորեն, առաջադրվում է ԱԺ ընտրություններում, բայց խորհրդարանում աշխատելու նպատակ չունի՞, Արսեն Թորոսյանն արձագանքեց. «Ես չասացի ԱԺ գալու նպատակ չունեմ, ես ասացի, որ պատրաստ եմ աշխատել որպես նախարար»: «Սուրբ Գրիգոր Լուսավորիչ» ԲԿ-ի նախկին տնօրեն Արա Մինասյանին չկալանավորելու՝ դատարանի որոշումն առողջապահության նախարարի պաշտոնակատարը չցանկացավ մեկնաբանել. «Անկեղծ ասած՝ դատաիրավական պրոցեսները չեն կարող մեկնաբանել, Քննչական կոմիտեից հարցրեք: Մեզ հետաքրքրում է միայն հիմնարկների արդյունավետ աշխատանքը»:
Մանրամասները՝ տեսանյութում։
