15.02.2026 | 12:11
Փրկարարներն արգելափակումից դուրս են բերել 243 տրանսպորտային միջոց և օգնություն ցուցաբերել 379 քաղաքացու
Երևանն ու Անկարան պայմանավորվել են․ դիվանագիտական անձնագրեր ունեցողների մուտքի վիզան փոխադարձության սկզբունքով կտրվի անվճար
Քաղաքականություն
29.12.2025 | 17:44
Կառավարությունը պատրաստվում է Թուրքիայի հատուկ և ծառայողական անձնագիր կրող քաղաքացիների՝ Հայաստան այցելության մուտքի արտոնագրի տրամադրումն անվճար դարձնել։ Նախագիծը գործադիրի գրավոր քվեարկության հարցերում է ընդգրկված։
Գործող իրավակարգավորումներով ՀՀ դիվանագիտական անձնագրեր կրող անձանց համար սահմանված է Թուրքիայի մուտքի արտոնագրի տրամադրման վճար: Մյուս կողմից, Թուրքիայի Հանրապետության ծառայողական և հատուկ անձնագրեր կրող անձանց համար սահմանված է Հայաստանի մուտքի արտոնագրի տրամադրման վճար:
«Թուրքիայի հետ պայմանավորվածություն է ձեռք բերվել, որ փոխադարձության սկզբունքով 2026թ. հունվարի 1-ից Հայաստանն ու Թուրքիան E-Visa համակարգով առանց պետտուրքի՝ անվճար, Հայաստան և Թուրքիա մուտք գործելու համար անհրաժեշտ արտոնագիր ստանալու հնարավորություն են ստեղծելու ՀՀ և Թուրքիայի դիվանագիտական, ծառայողական և հատուկ անձնագրեր ունեցող անձանց համար»,-նշվում է նախագծի հիմնավորման մեջ:
Այսպիսով, մինչև 21 օր ժամկետով գտնվելու իրավունքով էլեկտրոնային համակարգի միջոցով Հայաստան այցելության մուտքի արտոնագրի տրամադրումը անվճար կդառնա՝ պետական տուրքի դրույքաչափը զրո է:
Նախագիծը մշակվել է Հայաստանի Հանրապետության արտաքին գործերի նախարարության կողմից։
Եվգենյա Համբարձումյան
