16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Այո՛, ձախողում արձանագրում ենք ԱՆԻՖ-ում, ՀՀ բարձրաստիճան պաշտոնյաներ մեղավորություն ունեն դրանում. Ավինյան․ ՏԵՍԱՆՅՈՒԹ
Քաղաքականություն
29.12.2025 | 13:32
«ԱՆԻՖ-ում ձախողում կարո՞ղ ենք արձանագրել, այո՛, կարող ենք»,- պատասխանելով Factor TV-ի հարցին՝ նշեց Երևանի քաղաքապետ Տիգրան Ավինյանը տարեվերջյան իր ամփոփիչ ասուլիսում։
«Ինչ-որ մի փուլում մենք այդ ձախողման պատճառներին պետք է անդրադառնանք, և հնարավոր է ստացվի, որ Հայաստանի Հանրապետության ինչ-որ բարձրաստիճան պաշտոնյաներ շատ մեծ մեղավորություն ունեն այդ ձախողումների մեջ։ Եվ ես հուսով եմ՝ կգա այդ օրը, և այդ պաշտոնյաները պատասխանատվության կենթարկվեն»,- ասաց Երևանի քաղաքապետը, որը եղել է ԱՆԻՖ-ի հոգաբարձուների խորհրդի նախագահն ու որպես վկա հարցաքննվել է այդ գործով։
Երևանի քաղաքապետն այսօր նաև հայտնեց, որ առաջադրել է իր թեկնածությունը 2026-ի խորհրդարանական ընտրություններում։ Նրանից հետաքրքրվեցինք՝ արդյոք գործարարներ Խաչատուր Սուքիասյանի և Գուրգեն Արսենյանի՝ ՔՊ համամասնական ցուցակում չընդգրկվելն է պատճառ դարձել, որ այս անգամ ինքն ընդգրկվել է ցուցակում՝ ի տարբերություն 2021 թվականի։
«Ես կարծում եմ՝ 2021 թվականին իմ դիրքորոշումն ի նպաստ է եղել մեր թիմին, որոշակի վերանայումներ, այնուամենայնիվ, իրականացրել ենք այդ ժամանակվանից հետո, և խոշոր բիզնեսի ու իշխանության տարանջատումը, կարևորագույն սկզբունք է պետության կայացման առումով»,- նշեց ՔՊ կուսակցության վարչության անդամը։
Ավինյանը, սակայն, ուղիղ չպատասխանից հարցին՝ արդյոք Նիկոլ Փաշինյանի առջև պայման է դրել գործարարների՝ ՔՊ ցուցակում չընդգրկվելու մասով։
Հիշեցնենք, որ 2021 թվականին Տիգրան Ավինյանը չմասնակցեց արտահերթ խորհրդարանական ընտրություններին։ Հետագայում պարզաբանեց, որ նախընտրական ցուցակի հետ կապված որոշ տարաձայնություններ են եղել։
Մանրամասները՝ տեսանյութում։
Արփի Հակոբյան
