29.06.2026 | 16:28
Իրանը հերքում է ԱՄՆ-ի հետ այս շաբաթ կայանալիք տեխնիկական բանակցությունների մասին լուրերը
IFFHS․ Տարվա լավագույն մարզիչները հավաքականներում ու ակումբներում
27.12.2025 | 15:55
Ֆրանսիական ՊՍԺ-ի գլխավոր մարզիչ Լուիս Էնրիկեն Ֆուտբոլի պատմության և վիճակագրության միջազգային ֆեդերացիայի (IFFHS) վարկածով ճանաչվե է 2025թ․ աշխարհի լավագույն ակումբային մարզիչ։
Քվեարկության արդյունքում 55-ամյա իսպանացի մասնագետը ստացել է 222 միավոր։
Երկրորդ տեղը գրավել է աշխարհի ակումբային առաջնության չեմպիոն Լոնդոնի «Չելսիի» իտալացի գլխավոր մարզիչ Էնցո Մարեսկան (60 միավոր), եռյակը եզրափակել է Իսպանիայի չեմպիոն կատալոնական «Բարսելոնան» գլխավորող գերմանացի Հանս-Դիտեր Ֆլիկը (57 միավոր)։
2025 թվականին ՊՍԺ-ն Լուիս Էնրիկեի գլխավորությամբ դարձել է Ֆրանսիայի չեմպիոն, գավաթակիր, սուպերգավաթակիր, Չեմպիոնների լիգայի ու Միջմայրցամաքային գավաթի հաղթող և նվաճել ՈՒԵՖԱ-ի Սուպերգավաթը։ Ավելի վաղ նա տարվա լավագույն մարզիչ էր ճանաչվել նաև ՖԻՖԱ-ի վարկածով ու «Ոսկե գնդակի» մրցանակաբաշխության ժամանակ։
IFFHS-ի վարկածով ազգային հավաքականների տարվա լավագույն մարզիչը Եվրոպայի չեմպիոն Իսպանիայի հավաքականը ներկայացնող Լուիս դե լա Ֆուենտեն է, որը հավաքել է 136 միավոր։ Երկրորդը Պորտուգալիայի հավաքականի գլխավոր մարզիչ Ռոբերտո Մարտինեսն է (83 միավոր), երրորդը՝ աշխարհի գործող չեմպիոն Արգենտինայի հավաքականը գլխավորող Լիոնել Սկալոնին (59 միավոր)։
