10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ռոբերտ Քոչարյանի գրասենյակի նախկին ղեկավարին և նրա ընտանիքի անդամներին դատախազություն են հրավիրել
Հասարակություն
26.12.2025 | 20:00
Ազգային ժողովի նախկին պատգամավոր Էռնեստ Սողոմոնյանը, նրա որդին՝ Վիկտոր Սողոմոնյանը, Լարիսա Ադամյանը, Միքայել Էռնեստի Սողոմոնյանը, Աննա Արզումանյանը և Տաթևիկ Խաչատրյանը հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն։
Նշենք, որ Վիկտոր Սողոմոնյանը Հայաստանի 2-րդ նախագահ Ռոբերտ Քոչարյանի գրասենյակի նախկին ղեկավարն է, Alphanews.am լրատվակայքի հիմնադիրը։ 2005-2008թթ․ եղել է նախագահի մամուլի քարտուղարը։ Բանասիրական գիտությունների թեկնածու է։ Սողոմոնյանը սովորել և ավարտել է ՀՀ ԳԱԱ փիլիսոփայության, սոցիոլոգիայի և իրավունքի ինստիտուտի դոկտոիրանտուրան։ Քաղաքական գիտությունների դոկտոր է։
Նրանց գույքի վերաբերյալ ուսումանսիրություն է կատարվել, հրավիրվել են դատախազություն ծանոթանալու գործի նյութերին, ներկայացնելու դիրքորոշում, ինչպես նաև հայտարարագիր:
Էռնեստ Սողոմոնյանը 2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից:
Եվգենյա Համբարձումյան
