01.10.2026 | 10:25
Flydubai ավիաընկերությունը դադարեցրել է դեպի Իսրայել չվերթները՝ ինքնաթիռում միջադեպից հետո
Շանն ավտոմեքենայից կապած և քարշ տված տղամարդուն դատարանը մեղավոր ճանաչեց
Հասարակություն
26.12.2025 | 19:18
Կենդանու նկատմամբ դաժան վերաբերմունք ցուցաբերած, շանը ավտոմեքենայից կապած և քարշ տված Վարդան Ղարսոյանին դատարանը մեղավոր է ճանաչել։ Այսօր՝ դեկտեմբերի 26-ին, նախագահող դատավոր Գագիկ Հարությունյանը հրապարակել է գործով դատավճիռը։ Այս մասին Factor TV-ի հետ զրույցում հայտնեց «Դինգո թիմ» ՀԿ հիմնադիր նախագահ Օվսաննա Հովսեփյանը։
Ղարսոյանը տուգանվել է 900 հազար դրամով։
«Նա դատարանում որոշ չափով իր մեղքն ընդունեց, որպեսզի պատիժը մեղմացվի»,- նշեց Հովսեփյանը։
Հիշեցնենք՝ Ղարսոյանը հուլիսի 15-ին՝ ժամը 11:30-ի սահմաններում, Կոտայքի մարզի Բյուրեղավան քաղաքի Զորավար Անդրանիկի փողոցում կենդանու նկատմամբ դաժան վերաբերմունք է ցուցաբերել, մասնավորապես՝ իր կողմից վարվող «Օպել» մակնիշի ավտոմեքենայից կապել է թափառական շանը և քարշ տվել։ Ղարսոյանը կենդանուն վնասվածքներ էր պատճառել:
Եվգենյա Համբարձումյան
