27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Factor TV-ի տեղեկություններով` ապամոնտաժվում է գործարար Արման Հակոբջանյանի՝ Սևանում գտնվող լողավազանը․ ԼՈՒՍԱՆԿԱՐՆԵՐ
Հասարակություն
23.12.2025 | 11:24
Արցախի քաղաքաշինության նախկին նախարար Մարատ Հակոբջանյանի որդու՝ Արման Հակոբջանյանի՝ Սևանի ափին կառուցված առանձնատան լողավազանն այս պահին ապամոնտաժվում է:
Factor TV-ին հայտնի դարձավ, որ ապամոնտաժումն իրականացվում է «Սևան ազգային պարկի» ուժերով:
«Հետք»-ը գրել էր, որ 2020-ին Հակոբջանյանն առանձնատունը կառուցում էր առանց պարտադիր բնապահպանական փորձաքննության: 2021-ին, սակայն, ՇՄԱԳ փորձաքննության դրական եզրակացություն է ստացել և Սևանի ափին մեկ առանձնատան փոխարեն կառուցել է երկու առանձնատուն:
Ի դեպ, ըստ հրապարակման՝ լողավազաններից մեկը Սևանա լճում է` բոլոր կողմերից բետոնե պատնեշներով առանձնացված, որի ջուրը վերցվում է հենց Սևանա լճից:
Նշենք, որ Արման Հակոբջանյանը շուրջ 4 տոկոս բաժնեմաս ունի «Կապավոր» ՍՊԸ-ում:
Factor TV-ն տեղեկացավ, որ այժմ ընկերության վրա սահմանափակում է կիրառված: Ի դեպ, Արման Հակոբջանյանը հերքել է, թե Սևանա լճում լողավազան է կառուցում:
Արփի Հակոբյան
